Монгол, Оросын Засгийн газар хоорондын комиссын хуралдаан болно

2015 оны 11 сарын 03

Худалдаа, эдийн засаг, шинжлэх ухаан, техникийн хамтын ажиллагааны Монгол, Оросын Засгийн газар хоорондын комиссын 19 дүгээр хуралдаан энэ сарын 23-24-нд ОХУ-ын Чит хотод болно. Тус хуралдаанд оролцох Монголын талын төлөөлөгчдийн баримтлах удирдамжийг зөвшөөрлөө.

Хуралдаанаар тус комиссын 18 дугаар хуралдааны шийдвэрийн хэрэгжилт болон Монгол Оросын худалдаа, эдийн засаг, дэд бүтэц, тээвэр, уул уурхай эрчим хүч, хүмүүнлэгийн салбарын хамтын ажиллагааны талаар хэлэлцэхээр төлөвлөж байна.

Тухайлбал, ОХУ-ын Засгийн газраас 50-100 тэрбум рублийн хөнгөлөлттэй зээл авах тухай яриаг хэлэлцээг энэ онд багтаан эхлүүлэх, “Улаанбаатар” төмөр замын шинэчлэл, хөгжлийн стратегийн түншлэлийн тухай Хэлэлцээр-ийн хүрээнд ажлын хэсгийн уулзалтыг ойрын хугацаанд зохион байгуулж, хэрэгжүүлэх арга хэмжээний төлөвлөгөөг батлах ажлыг эрчимжүүлэх, ОХУ-ын хил залгаа бүс нутгуудаас 2016 оны эхний хагас жилд багтаан 3 дугаар ангиллын 106,6 мянган тн хүнсний улаанбуудай, 20 хүртэл мянган тн элит болон сортын үрийн улаанбуудай нийлүүлэх ажлыг зохион байгуулах, ирэх онд Монгол, Оросын хооронд дипломат харилцаа тогтоосны 95 жилийн ой тохиож буйтай холбогдуулан урлагийн хамтарсан гала концерт, урлагийн тоглолт зохион байгуулах зэрэг асуудлыг хэлэлцэнэ.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД