ЭМСЯ-ны Шуурхай удирдлагын төвөөс мэдээлж байна

2014 оны 12 сарын 26

Улсын хэмжээнд томуу, томуу төст өвчний дэгдэлт өмнөх долоо хоногоос 1,2 хувиар ихэссэн байна 

Улсын хэмжээнд нийт 144.938 хүн амбулаториор үйлчлүүлсний 14.245 (9.8%) нь томуу, томуу төст өвчтэй гэж оношлогджээ. Энэ нь өмнөх 7 хоногоос 1.2 хувь, өнгөрсөн оны мөн үеэс 3.6 хувиар ихэссэн үзүүлэлттэй байна.  Мөн 10,000 хүн амд 51.6 тохиолдол бүртгэгдсэн нь өмнөх 7 хоногоос 0.8 тохиолдлоор бага, өмнөх оны мөн үеэс 157 тохиолдлоор нэмэгдсэн үзүүлэлттэй байна. Лабораторийн шинжилгээгээр дэлхий дахинд тархаад байгаа томуугийн А (H3N2) вирусын ген тодорхойлдсон байна. 

Нийслэлд хүүхдийн орны ачаалал буурчээ 

Нийслэлийн эмнэлгүүдийн хүүхдийн орны ачаалал буурсан байна. Тодруулбал, 669 орон дээр 818 хүүхэд хэвтэж байгаа нь дунджаар 22.3 хувиар хэтэрсэн ч өмнөх долоо хоногоос буурсан үзүүлэлттэй байна.  Дүүргээр авч үзвэл Чингэлтэй дүүргийн эрүүл мэндийн төв 92.3%, Налайх дүүргийн эрүүл мэндийн төв 66,6%, Баянгол дүүргийн нэгдсэн эмнэлэг 60%, Хан-Уул дүүргийн нэгдсэн эмнэлэг 20%, Сонгинохайрхан дүүргийн нэгдсэн эмнэлэг 14.5%-иар тус тус хэтэрсэн үзүүлэлттэй байна.