Батзандан гишүүнд хэлэх үг байна

2014 оны 11 сарын 14

УИХ-ын гишүүн Ж.Батзандангийн бие төлөөлөгчийн газарт Баянзүрх, Налайх дүүргийн нийт сонгогч иргэдийн зүгээс ирсэн өргөдөл, санал хүсэлтийг энэ удаагийн булангаараа хүргэж байна. 

БЗД-ийн 20 дугаар хорооны өндөр настан  С.Магсар

Ж.Батзандан гишүүн манай хороонд хоёр ч удаа ирж уулзсан. Хорооны бүтээн байгуулалтын ажилд иргэд та нар ямар бодолтой байна , бүтээн байгуулалт явагдаж байна уу гэж ирдэг.Хамгийн гол нь иргэд бидэнтэй санал солилцож, эвлэлдэн нэгдэж бүтээн байгуулалт хийхийг уриалж байгаа нь сайхан байна.Манай хороонд газрын маргаантай иргэд маш их.Эхнээсээ газрын маргаанаа шийдүүлээд явж байгаа олон улс байна. Ингээд хороо хорин дээр ирээд иргэдтэйгээ уулзаад тулгамдсан асуудлын нэг бүрчлэн сонсож ажилладаг гишүүн олон байгаасай л гэж хүсэж байна даа  

БЗД-ийн 2-р дугаар хорооны иргэн Ц.Должинсүрэн

Ж.Батзандан гишүүний хувьд их дайчин хүн.Манай хорооны иргэдтэй хэд хэд уулзсан.Уулзалт болгоноор нь би ирж уулздаг.Өмнөх нэг уулзалтаар хорооны байр, хорооны гэрэлтүүлэг гээд нилээд хэдэн асуудал тавьж байсан.Одоо сайхан болсон, хороо гэрэлтүүлэгтэй, хорооны байр засварлагдсан.Ер нь иргэдийн зүгээс тавьсан шаардлагуудыг эхнээс нь хийгээд л, одоо яаж байна ажил нь хэр байна гээд л асуудаг.Ингэж иргэдийн үгийг хороо болгон дээр очиж сонсдог их хурлын гишүүнийг Ж.Батзандангаас өөр байхгүй  гэж шууд хэлнэ.Манай 2 дугаар хороо сайхан болж байгаа.Иргэдийнхээ үгийг сонсч  ажиллаж байгаад нь баярлаж байна.

Налайх дүүргийн 6 дугаар хорооны иргэн К.Хуваан 

Тэрэлжийн энэ хавиар дандаа жуулчны бааз, баячуудын амралтын газар болсон.Тэгээд малчид бидэнд бэлчээрийн газар олдохгүй болоод байгааг Ж.Батзандан гишүүндээ хэллээ.Би Хөвсгөл аймгийн хүн.Хөдөөнөөс хотод ирж суурьшин гэдэг амаргүй даваа болжээ.Хөдөөний иргэд биднийг харж үзэх талаараа санал хэллээ.Цаашид малчин иргэд биднийг дэмжиж ажиллана гэдэгт итгэж байна.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
202.179.8.26 amarjargal-es