Эрдэнэт-Овоотын төмөр замын зураг төслийг хятадууд хийнэ

2014 оны 11 сарын 06

Австралийн хөрөнгийн биржид бүртгэлтэй “Aspire Mining” компани Хятадын Төмөр замын барилга байгууламжийн корпорацтай хамтран ажиллах гэрээ байгуулсныг proactiveinvestors.com цахим хуудсанд мэдээлэв. Тус корпорацын охин компани “CR20G” нь Эрдэнэт-Овоот чиглэлийн төмөр замын зураг төслийг хариуцах гэнэ. Дээрх чиглэлд төмөр зам барих нь Овоотын коксжих нүүрсийг экспортлоход чухал хэрэгтэй юм. Энэ талаар “Aspire Mining”-ийн ерөнхий захирал Дэвид Пол “Төмөр замыг концессийн гэрээгээр барих зөвш өөрлийг бид хүлээж байгаа” гэж ярьжээ. Гэрээ ёсоор төсөлд шаардагдах хөрөнгийн эх үүсвэрийг БНХАУ-ын болон бусад санхүүжүүлэгчээс олоход “CR20G” туслах аж.

Тус корпорац БНХАУ-аас гадна бусад оронд авто зам, метро, гүүр, нүхэн гарц, орон сууц барьсан туршлагатай юм байна. Монгол Улсын Засгийн газар Эрдэнэт-Овоот-Арц суурь чиглэлийн төмөр замын царигийн хэмжээг тогтоосон гэдгийг дээрх цахим хуудсанд мөн бичжээ. Коксжих нүүрсний Овоот орд нь JORC ангиллаар 255 сая тонн нөөцтэй нь тогтоогдсон аж.

Ц.БОЛОР

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
2.132.183.129 hi ho welcome to mongolia my brothers