Хавтаст хэрэг дутаасан прокуроруудад хариуцлага тооцож эхэллээ

2015 оны 10 сарын 26

Улсын ерөнхий прокурорын тушаалаар зарим аймаг, дүүргийн прокуроруудад сахилгын арга хэмжээ авчээ. Тухайлбал, Сэлэнгэ аймгийн прокурор Г.Чагдарыг албан тушаалаас нь өөрчилж, Чингэлтэй дүүргийн прокурорын газарт хяналтын прокуророор томилж буй гэнэ.

Мөн Сүхбаатар дүүргийн прокуророор ажиллаж байсан Г.Бат-Очирт сахилгын арга хэмжээ авчээ. Түүнд хариуцлага тооцох болсон үндэслэл нь удирдлага дор нь ажиллаж байсан хяналтын прокурор Д.Ганчангын хянаж байсан 2-3 хавтаст хэрэг алга болчихоод байгаатай холбоотой гэнэ.

Хавтаст хэргүүдэд улсын хэмжээнд тооллого хийхэд 11 хавтаст хэрэг дутсан байснаас 2-3 олдохгүй, бусад нь цагдаа, прокурорын шүүгээнд тоосонд дарагдаад байсан аж. Д.Ганчанга алга болсон 2-3 хавтаст хэргийг цагдаагийн байгууллагад шилжүүлсэн гэж байгаа боловч цагдаагаас гарч ирээгүй учраас ийм арга хэмжээ авч буй сурагтай.

Тэрбээр Нийслэлийн прокуророор ажиллаж байсан Б.Бат-Оршихтой ураг төрлийн холбоотой нэгэн учраас өмнө нь алдаа дутагдал гаргахад нь хариуцлага тооцож байгаагүй гэх мэдээлэл ч байна. Харин энэ удаад түүнийг прокурорын байгууллагаас халжээ.

Г.ОРЧЛОН

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд