Зусландаа амарч байгаа иргэдийг хүчирхийлж дээрэмдсэн хэрэг гарч байна

2015 оны 06 сарын 22



Зуны саруудад зусландаа гарч амьдарч байгаа хүмүүс шөнө оройн цагаар ганцаараа үлдэхдээ болгоомжтой байхгүй бол гэмт халдлагын золиос болж байна. Зусландаа амарч байсан бүсгүйчүүдийг хүчирхийлж, эд зүйлийг нь дээрэмдсэн хэрэг нэг сарын дотор хоёр ч удаа бүртгэгдлээ. Өнгөрсөн амралтын өдрүүдэд Сүхбаатар дүүрэгт гэртээ халамцуу унтаж байсан эмэгтэйг хүчирхийлж гар утсыг нь дээрэмдсэн хэрэг гарсныг өдгөө цагдаагийнхан шалгаж байна.
Түүнээс өмнө буюу энэ оны тавдугаар сарын 30-ны 04.00 цагийн үед Чингэлтэй дүүргийн 19 дүгээр хороо, Яргайтын зуслан дахь хувийн байшиндаа хоёр настай хүүхдийнхээ хамт унтаж байсан эмэгтэйг 25-30 орчим насны залуу хүчирхийлэн гар утсыг нь дээрэмдсэн хэрэг гарчээ. Гэмт этгээд хаалганы цоожийг эвдэн, дайран орсон аж. Уг хэргийг Чингэлтэй дүүргийн Цагдаагийн II хэлтсийн ажилтнууд шуурхай эрэн сурвалжилж, тус хорооны Яргайтын задгайд суух Э үйлдсэнийг илрүүлэн цагдан хорьж шалгаж буй гэнэ. Сэжигтэн Э нь 2007 онд эд зүйл хулгайлсан, 2013 онд хуурамч бичиг баримт үйлдсэн хэргээр ял шийтгүүлж байсан нэгэн гэдгийг Дүүргийн I прокурорын газрын эх сурвалж хэллээ.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
103.23.51.2 MUU NOVSHNUUDAD HATUU YAL OGOH HEREGTEI ODOO BUR SUULDEE ORON GERTEE AYULGUI AMIDRAH ARGAGUI BOLOH NI EEайна ...

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд