Ш.Ганболд ЦЕГ-ын дарга болох уу

2015 оны 05 сарын 19

Цагдаагийн ерөнхий газрын дарга, тэргүүн комиссар Р.Чингисийг албан тушаалаас нь чөлөөлөх тухай бор шувуу цагдаагийнхны дунд ниссээр удаж байна. Хууль зүйн сайд Д.Дорлигжавыг томилогдохоос өмнө Р.Чингисийг Ерөнхий сайд ЦЕГ-ын даргаар томилсон нь эрх бүхий хоёр албан тушаалтны дунд маргаан дэгдээж, зөрчил үүсгэсэн гэх мэдээлэл бий. Хууль зүйн сайд Д.Дорлигжав өөрийн эрхлэх асуудлын хүрээнд ЦЕГ-ын даргыг томилох эрхтэй байхаар хуульд заасан бөгөөд түүний саналыг авалгүйгээр тус газрын даргыг Ч.Сайханбилэг томилсон юм билээ.

Тиймээс Д.Дорлигжав өөрийн хүнээ тавих нь гэсэн яриа цагдаагийнхны дунд байна. Р.Чингисийн оронд ЦЕГ-ын тэргүүн дэд даргаар ажиллаж байгаад Хууль зүйн сайд асан Х.Тэмүүжингийн шийдвэрээр ажлаасаа чөлөөлөгдсөн хурандаа Ш.Ганболд уг албыг авах магадлалтай гэнэ.

Түүнийг салбараа мэддэг, янз бүрийн бүлэглэлд хамааралгүй, шударга, нэр цэвэр хүн гэж цагдаагийнхан ярьж байгаа юм. Тэрбээр бригадын генерал Б.Билэгтийг ЦЕГ-ын даргаар ажиллаж байхад тэргүүн дэд дарга байсан. Мөн “гяндан сандлын хэргээс” болж Х.Тэмүүжинд нүд үзүүрлэгдсэн гэдэг.

Г.РАВЖАА

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд