БААВГАЙН 10 ГАРУЙ САВАР ХИЛЭЭР ГАРГАХААР ЗАВДСАНЫГ ХИЛЧИД ИЛРҮҮЛЛЭЭ

2015 оны 02 сарын 26

Замын-Үүдийн автозамын шалган нэвтрүүлэх боомтоор энэ сарын 17-нд манай улсын иргэн М баавгайн есөн ширхэг савар хил давуулах гэж байгаад баригджээ. Тэрбээр хилээр гаргахыг хориглосон, ховордсон ан амьтны эд эрхтэнээ 41-65 ДГА улсын дугаартай автомашины дугуйнд нуусан байсан гэнэ.

Мөн тэр үед манай иргэн О 38-52 УНЛ улсын дугаартай тээврийн хэрэгслийн жолоочийн суудал дор баавгайн дөрвөн ширхэг савар нууж хил нэвтрүүлэх үед нь хилчид саатуулж, өдгөө гаалийн байгууллагад шилжүүлэн өгчээ. Хилийн боомт бүхий газарт ажилладаг дугуй засварын газрын ажилтнууд автомашины дугуйнд эд зүйл нууж өгдөг үйлчилгээ хүчээ аваад байгаа аж.

Тэд хамгийн багадаа нэг дугуйнд юм нуухад 15 мянган төгрөгийн хөлс авдаг гэнэ. Мэдэгдсэн нь дээрх есөн савар болохоос мэдэгдэлгүй хэчнээн ч эд зүйл хилээр гарч буйг хэн ч мэдэхгүй. Баавгайн савраас гадна хярсны олон тооны арьс хил давуулах гэж байсныг Өмнөговь аймаг дахь Гашуунсухайт шалган нэвтрүүлэх боомтод ажиллаж буй хилчид илрүүлсэн байна. Иргэн Б-гийн бараанд үзлэг хийхэд хярсны 300 арьс байжээ.

Г.ОРЧЛОН

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд