Хахууль авсан сургуулийн захирлыг таван жил хорино

2015 оны 02 сарын 12

Увс аймгийн Өмнөговь сумын сургуулийн захирлаар ажиллаж байсан Лхамсүрэнг бусдаас бага бус хэмжээний хахууль авсан гэх үндэслэлээр Увс аймаг дахь Сум дундын 24 дүгээр шүүх таван жил нэг сар хорих ял шийтгэлээ. Мөн 100.000 төгрөгийн эд хөрөнгө хурааж, хахуульд авсан нэг сая гаруй төгрөгийг нь улсын орлогод оруулахаар болжээ.Тэрбээр тус сумын иргэн М, Б, П гэсэн гурван эмэгтэйг сургуулийнхаа үйлчилгээний ажилчнаар авна хэмээж 300.000-500.000, нийт нэг сая гаруй төгрөгийн хахууль авсан нь АТГ-ын Мөрдөн шалгах хэлтсийнхний байцаалтаар тогтоогдсон гэнэ. Сургуулийн захиралд хахууль өгсөн гурван хүнд нэг жил зургаан сараас хоёр жил хугацаагаар хорих ял оноож, жирэмсэн, нялх хүүхэдтэй байдлыг харгалзан М, Б нарын хорих ялыг хойшлуулж, П-ийг тэнсэн харгалзахаар шийдвэрлэсэн байна.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд