Налайхын ИТХ төсвөө батлахгүй явсаар санхүүжилтийн түр горим тогтоолгов

2015 оны 02 сарын 08

Налайх дүүргийн Иргэдийн төлөөлөгчдийн хурал 2015 оны төсвөө одоо хүртэл батлаагүй байгаа аж. Тиймээс нийслэлийн Засаг дарга Э.Бат-Үүл өчигдөр захирамж гаргаж, энэ сарын 2-ноос эхлэн тус дүүрэгт санхүүжилтийн түр горим тогтоохоор шийдвэрлэжээ.

Санхүүжилтийн түр горим тогтоосонтой холбогдуулан нийслэлээс Налайх дүүрэгт олгох санхүүгийн дэмжлэгийн хэмжээг хоёрдугаар сард 416.4 сая, гуравдугаар сард 210 сая төгрөг байхаар тооцож, зардлын дүнг баталсан байна.

Өөрөөр хэлбэл, ажилтнуудын үндсэн цалин, эрүүл мэнд, нийгмийн даатгалын шимтгэл, унаа, хоолны хөнгөлөлт болон байрны түрээс, цахилгаан, дулаан, шуудан холбоо, бичиг хэрэг,цэвэр, бохир усны мөнгө зэрэг гол зардлаас бусдыг төсвөөс түр хасжээ.

Санхүүжилтийн түр горимыг мөрдөн, дүүргийн төсвийн байгууллагуудын хэвийн үйл ажиллагааг хангаж ажиллахыг Налайхын Засаг дарга Х.Болдбаатарт үүрэг болгосон аж.

Л.АРГАМЖИН

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд