Галын улмаас хоёр хүний амь нас хохирч, 15 айл орон гэргүй боллоо

2014 оны 11 сарын 03

Сэлэнгэ аймгийн Сүхбаатар суманд аравдугаар сарын 30-ны үдэш Баамын ногоон гэх хуучны орон сууцны барилга шатсаны улмаас хоёр хүний амь нас хохирч,15 айл орон гэргүй болж, ачааны том оврын нэг машин өртжээ. Амиа алдсан хоёр хүний нэг нь өндөр настан, нөгөө нь түүний ач хүү бөгөөд уг барилгын эзэнтэй ах дүүсийн холбоотой байсан аж. Энэ талаар тус аймгийн Онцгой байдлын хэлтсийн дарга, хурандаа Ууганбаяраас тодруулахад “Галын шалтгаан нөхцөлийг тодруулахаар шинжээчид ажиллаж байна. Уг барилга нь дээр үед дунд сургуулийн сурагчдын дотуур байр байсан, шилэн хөвөн дулаалгатай модон барилга. Эхэндээ 10 айл орон гэргүй болсон гэж үзэж байсан ч, тэнд 15 айл амьдарч байгаад галын улмаас орох оронгүй болсон нь тогтоогдож байна. Урьдчилсан байдлаар хохирлын хэмжээг 40 гаруй сая төгрөг гэж дүгнэж буй юм билээ. Гэхдээ цаашид өсөх буурахыг шалгалтын явцад тогтоох байх. Аймгийн ИТХ, Онцгой байдлын хэлтэс, Улаан загалмайн нийгэмлэг хамтран орон гэргүй болсон айл өрхөд тусламж үзүүлэх арга хэмжээ зохион байгуулж байна” гэлээ.Галын улмаас уг барилга юу ч үгүй шатсан бөгөөд зарим хохирогч “Гал гарахын өмнөхөн нэг өрөөнд нь хэдэн хүмүүс архидаж байсан. Тэд гал алдсан байж болзошгүй гэж үзэж байна” гэсэн бол өөр нэг хэсэг нь цахилгааны богино холболтоос гал авалцсан байх гэх мэдээллийг бидэнд өгөв. Уг барилгын эзэн О-той холбогдоход “Шалтгаан нөхцөл нь тогтоогдоогүй болохоор ямар нэг мэдээлэл өгөх боломжгүй байна” гэлээ. 

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
174.51.227.102 15 ail oroh orongui bolood 2 hunii ami ersdeed baihad yun 40 say-n hohirol ve

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд