Алга болсон хоёр хүүхдийг 24 цагийн дараа оллоо

2014 оны 09 сарын 07

Баянгол дүүргийн нутаг дэвсгэрээс энэ сарын 6-ны 17.00 цагийн үед нэг гэрийн хоёр хүүхэд алга болжээ. Эцэг эхчүүдийн хараа хяналт сул, хэнэггүй байдлаас болж гэрийнхээ гадаа тоглож байсан эгч дүү хоёр алга болсон нь твиттер, фэйсбүүк хуудсаар түгшүүр төрүүлсэн юм. Хоёр хүүхдээ алга болсныг мэдсэн эх Б Баянгол дүүргийн Цагдаагийн II хэлтсийнхэнд дуудлага өгснөөр тус хэлтсийнхэн нийслэл даяар эрэн сурвалжлах ажиллагааг эхлүүлсэн аж. Ингэснээр энэ сарын 7-ны 17.00 цагийн үед хүүхдүүдийг нэгэн айлд байхад нь олжээ. Тэднийг хөдөөний хүмүүс төөрсөн байхад нь олсон бөгөөд цагдаагийнхан эрэн сурвалжилж, хэвлэл мэдээллийн хэрэгслээр зарласны дараа айлд байгаа талаар мэдэгдсэн гэнэ. Хүүхдүүдийг олж гэртээ аваачсан хүмүүсийг “Олсон даруйдаа цагдаагийн байгууллагад мэдэгдээгүй” гэж буруутгах хүн ч байна. Хүүхдүүд ямар нэгэн бэртэл гэмтэлгүй, өлсөж ядраагүй байсан гэдгийг эх сурвалжууд хэлж байна. Хүүхдүүд гэрээсээ гараад төөрөх явдал олон байдаг бөгөөд хэн нэгэн хүн олсон тохиолдолд цагдаагийн байгууллагад мэдэгдэж хүргэж өгөх, хүүхдээ төөрснийг зарлуулчихаад олдсон талаар нь цагдаагийн байгууллагад эргэж мэдэгддэггүй явдал олон гардаг учраас эцэг эхчүүдийг дээрх байдлуудад анхаарахыг цагдаагийнхан санууллаа.

 

Г.ЦОЛМОН

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд