Оргосон сэжигтнүүдийн талаарх мэдээллийг нэг сая төгрөгөөр худалдаж авна

2014 оны 09 сарын 07

ШШГЕГ-ын харьяа Цагдан хорих 461 дүгээр ангиас энэ сарын 3-4-ний үед цагдан хоригдож байсан хоёр сэжигтэн оргосон талаар бид мэдээлж байсан. Тэд өнөөг хүртэл олдохгүй байгаа аж. Бусдын биед хүндэвтэр гэмтэл учруулсан, эд хөрөнгө залилсан хэрэгт холбогдсон Энхсайханы Вантөмөр, хулгайн хэргийн сэжигтэн Буян-Өлзийн Амарбаясгалан гэх 22-23 настай хоёр оргодлын талаарх үнэн бодит мэдээллийг ШШГЕГ, Цагдан хорих 461 дүгээр ангийнхан нэг сая төгрөгөөр худалдан авахаа мэдэгдээд буй юм. Сэжигтэн Э.Вантөмөр нь 175 см өндөр, 65 кг жинтэй, баруун хөл болон баруун хавиргандаа сорвитой, онигор нүдтэй, шар царайтай залуу аж. Харин Б.Амарбаясгалан нь 165 см өндөр, 62 кг жинтэй, уруул дээрээ тод хар мэнгэтэй, зүүн гарын эрхий, долоовор хурууны хооронд “А” үсэг шивсэн, Дэлдээ, Хаба гэх зэргээр найз нөхөд нь дууддаг гэнэ.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Г.Цолмон

Гансүхийн Цолмон Монгол хэлбичгийн дээд сургууль, 2003 он, сэтгүүлч Балдорж шагналын шилдэг 10, Хэвлэл мэдээллийн тэргүүн, "Ган үзэгтэн", "Өнөөдөр" сонины шилдэг бичлэгийн удаа дараагийн шагнал хүртсэн 2003 оноос өнөөг хүртэл Эрэн сурвалжлах албанд