БРАВО: Монгол тогооч нар дэлхийн тэмцээнээс зургаан медаль хүртлээ

2016 оны 02 сарын 16

"Дэлхийн тогооч нарын холбоо болон Туркийн тогооч нарын холбооноос зохион байгуулдаг 14 дэх удаагийн “Истанбул Гастрономи Фестивал” буюу Олон улсын тогооч нарын тэмцээнд Монгол тогооч нар оролцож зургаан медалийн эзэд болжээ.

Энэ сарын 11-нээс 14-ний хооронд БНТУ-ын Истанбул хотноо зохион байгуулагдсан уг тэмцээнд дэлхийн 20-иод орны 2000 гаруй тогооч оролцсон бөгөөд Монгол улсаа төлөөлөн Монголын мастер тогоочдын холбооны тэргүүн, МУ-ын зөвлөх инженер, МУ-ын мастер тогооч Д.Буяндэлгэр, Монголын мастер тогоочдын холбооны Гүйцэтгэх захирал, МУ-ын мастер тогооч Р.Батбаатар, ММТХ-ны дэргэдэх Ахлах тогоочдын академийн захирал, МУ-ын мастер тогооч Ж.Отгонпүрэв, МУ-ын мастер тогооч Ж.Цагаанцоож, Б.Байгалмаа нарын 5 тогооч амжилттай оролцож багаараа Гранд прикс болон Ази хоолны төрлөөс нийт 6 мөнгөн медаль хүртжээ.

Мөн тус тэмцээний үеэр Дэлхийн тогооч нарын холбооны зүгээс зохион байгуулсан олон улсын шүүгчийн сургалт семинарт МУ-ын мастер тогооч Д.Буяндэлгэр, Р.Батбаатар нар оролцож, ОУ-ын шүүгч болох эрхээ авч Монголын анхны ОУ-ын эрхтэй шүүгчид болж байгаа юм.

Мастер тогооч нар өнөөдөр эх орондоо ирнэ.

Дашрамд дурдахад, Манай улсын тогооч нар 2010 оноос хойш ОУ-ын чанартай уралдаан тэмцээнүүдэд амжилттай оролцож, улсынхаа нэрийг Дэлхийн хоол үйлдвэрлэлийн салбарт гаргасаар яваа билээ.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
103.10.22.66 batbaatartaa amjilt huseye. go further we love you
37.220.133.161 Mash tom amjilt gargajee. Daraagiin tentseend altan medaliig abchiraarai. Ulam ih amjilt husie.
112.72.11.116 Сайхан мэдээ байна шүү