Цагаан идээг ченжгүй худалдаалж байна

2016 оны 01 сарын 20

Архангай аймгийн Чулуут сумын малчдын цагаан идээний уламжлалт үзэсгэлэн худалдаа Баянзүрх дүүргийн нутагт орших Скай их дэлгүүр өмнөх талбайд болж байна.

Уламжлал болсон тус үзэсгэлэн худалдааг Баянзүрх дүүргийн Засаг даргын Тамгын газраас хоёр дахь жилдээ хамтран зохион байгуулж байгаа юм. Уг үзэсгэлэн худалдаанд Чулуут сумын малчин иргэд, нөхөрлөлөөс 10 гаруй нэр төрлийн 70 тонн цагаан идээгээр оролцож байгаа юм байна.

Цагаан сарын баярыг угтсан “цагаан идээг ченжгүй худалдаална” уриатай тус худалдаан дээр хорхой ааруул, чипсэн ааруул болон хэвд оруулсан ааруул кг нь 12.000-15.000, шар тос кг нь 10.000, тогооны өрөм 10.000-12.000, цагаан тос кг нь 7000, мэхээртэй тос кг нь 10.000, тавгийн хэлбэрт оруулсан ааруул кг нь 15.000, 25 ширхэгтэй нь 150.000, 45 ширхэгтэй 280.000 төгрөг гэсэн үнээр худалдаалагдаж байна. Үзэсгэлэн худалдаа энэ сарын 24-нийг хүртэл үргэлжлэх юм.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
202.70.46.215 Ar hangain saihan bolmjiin vnetei idee zarj bn 86919157