Японы “Toyota” автомашины үйлдвэрлэлийг тэргүүлэв

2015 оны 10 сарын 26

Гол өрсөлдөгч болох Германы “Volkswagen AG” компани дизель хөдөлгүүртэй автомашиных нь утаа ялгаруулалтын үзүүлэлтийг гажуудуулдаг программ хангамжтай холбоотой дуулиан шуугиантай холбоотой хүндрэл бэрхшээлтэй тулгарсны дараа Японы “Toyota Motor Corp.” корпораци дэлхийн автомашины үйлдвэрлэлд тэргүүлэх байр сууриа эргүүлэн авчээ.

Тус компани энэ оны есөн сарын хугацаанд дэлхий даяар 7.49 сая автомашин борлуулсан бол “Volkswagen” 7.43 сая автомашин борлуулсан байна. Гэхдээ өмнөх оны мөн үеийнхтэй харьцуулахад тус хоёр компанийн борлуулалтын хэмжээ 1.5 хувиар буурчээ.

“Volkswagen” оны эхний хагас жилд Японы корпорацийг борлуулалтаар гүйцэж түрүүлж байсан юм. Одоо тус компани дээрх дуулиан шуугианы улмаас дэлхий даяар 11 сая автомашинаа эргүүлэн татахаас аргагүйд хүрсэн билээ.

Автомашины борлуулалтаар гуравдугаарт Америкийн “General Motors Co” корпораци орсон байна. Тус компани 7.2 сая автомашин борлуулсан нь жилийн өмнөхөөс 1.9 хувиар буурсан үзүүлэлт аж.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД