Хятадын Ерөнхийлөгч Монголын ахмад дайчдыг шагнана

2015 оны 09 сарын 28

1945 оны Чөлөөлөх дайны ялалтын 70 жилийн ойн хүрээнд БНХАУ-ын дарга Си Жиньпин Монголын ахмад дайчдын төлөөлөл болгож таван ахмад дайчинд "Чөлөөлөх дайны ялалтын 70 жилийн ойн медаль" гардуулахаар зарлиг гаргажээ.

Тодруулбал, 1945 оны Чөлөөлөх дайнд оролцож явсан Г.Хэнгэрэг, Г.Батмөнх, Ж.Үнэнбат, Л.Данзан, В.Аюурзана гэсэн таван ахмад дайчинд ялалтын ойн хүндэт медалийг өнөөдөр 17:00 цагт БНХАУ-аас манай улсад суугаа Элчин сайдын яаманд гардуулах аж. БНХАУ-ын дарга Си Жиньпиний зүгээс зөвхөн Монгол Улсын дайчдад талархлаа илэрхийлэн энэхүү медалийг гардуулан өгч байгаа юм. Ойн медалийг ахмад дайчдаас гадна БНХАУ-ын Бээжин хотын талбайд цэргийн ёслолын жагсаалд ёслол төгөлдөр оролцсон Монголын 80 гаруй дайчинд гардуулж өгөөд байна. Дашрамд сонирхуулахад, Аугаа их Эх орны дайны ялалтын 70 жилийн ойн хүрээнд ч гэсэн ОХУ-ын Ерөнхийлөгч В.Путин зарлигаараа Монголын ахмад дайчдад ойн медаль гардуулан өгсөн билээ.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД