Монголын боксчид хоёр алт, нэг мөнгө, хоёр хүрэл медаль хүртлээ

2015 оны 07 сарын 26

Германы Халле хотноо болсон “Химийн цом” боксын олон улсын тэмцээнээс Монголын боксчид хоёр алт, нэг мөнгө, хоёр хүрэл медалийн эзэд болов.

Сонирхогчдын боксчдын дунд өндөр чансаатай А зэрэглэлийн олон улсын тэмцээнд тооцогддог энэ удаагийн тэмцээнд 19 орны 120 боксчин хүч, ур чадвараа сорин өрсөлджээ. Манай тамирчдын хувьд хоёр алт, нэг мөнгө, хоёр хүрэл медаль хүртсэн амжилтаар багийн дүнгээр Узбек, Германы дараа гуравдугаар байрт бичигдлээ.

Тэмцээний алтан медалийг “Ариг банк”, “Алдар” спорт хорооны тамирчин Б.Чинзориг /64 кг/, “Ариг банк”, “Хүч” спорт хорооны тамирчин, ОУХМ Б.Түвшинбат /69 кг/ нар хүртсэн бол ОУХМ Г.Ган-Эрдэнэ /49 кг/ мөнгө, ОУХМ А.Нурлан /52 кг/, С.Эрдэнэбаяр /81 кг/ нар хүрэл медалийн эздээр тус тус тодорлоо.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД