Хөхөндөө 1,5 кг кокайн авч явж байгаад баригджээ

2015 оны 06 сарын 23

Хөхний суулгацандаа 1.5 кг шингэн кокаин авч явсан Гондурас эмэгтэй Колумбын нийслэл Богота хотын нисэх буудлаас баривчлагджээ.

Тус нисэх буудлын цагдаа нар сэтгүүлчдэд мэдэгдэл хийхдээ, “22 настай Паола Деянира Сабиллон нь Испани руу явахыг завдсан бөгөөд шалган нэвтрүүлэх шугамд дөхөж ирэхдээ тэрбээр самгардаж, бие барьж байгаа нь илэрхий байсан нь бидэнд сэжиг төрүүлсэн” гэв.

Рентген туяагаар Сабиллоныг хөхөндөө саяхан хагалгаа хийлгэснийг тогтоосон бөгөөд тэрбээр хөхөндөө кокаин суулгуулснаа хүлээн зөвшөөрсөн гэж цагдаа нар мэдэгдсэн юм. Тэрбээр уг шингэн кокаиныг Барселон хот руу авч явах гэж байжээ.

Колумбын баруун нутгийн Перейра хотод хууль бусаар үйл ажиллагаа явуулдаг нэгэн эмнэлэгт мэс заслыг хийлгэснийг одоогоор тогтоогоод байна гэж цагдаа нар хэллээ.

Колумбад жилд 300 орчим тонн кокаин үйлдвэрлэдэг ажээ.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД