Япончууд Солонгост байгаа иргэдээ халамжлана

2015 оны 06 сарын 09

Иргэддээ тусламж үзүүлэх тусгай төвүүдийг япончууд Ойрхи Дорнодын амьсгалын замын хам шинж буюу “MERS” титэмт вирусийн халдвар тархсан Өмнөд Солонгост нээлээ.

Японы Гадаад хэргийн сайд Фумио Кисидагийн мэдээлснээр, дээрх төвүүдийг Өмнөд Солонгосын нийслэл Сөүл хот дахь тус улсын Элчин сайдын яаманд болон Пусан хот дахь Консулын газарт нээсэн байна. “Иргэдийнхээ аюулгүй байдлыг хангахын тулд бид шаардлагатай бүх мэдээллийг цуглуулж, мэдээллээр хангана” гэж тэрбээр хэлжээ. Кисида мөн Японы нутаг дэвсгэрт уг вирусийн халдвар тархахаас урьдчилан сэргийлэх зорилгоор тус улсын Гадаад хэргийн яам Эрүүл мэнд, хөдөлмөр, нийгмийн хамгааллын яамтай нягт хамтран ажиллана гэдгийг мэдээлсэн байна.

Одоогийн байдлаар Өмнөд Солонгост титэмт вирусийн халдварыг 95 хүн авснаас долоо нь нас баржээ

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД