Шинэ дэд бүтцийг хөдөөгийн суманд бий болгов

2014 оны 12 сарын 29

Энэ оныг Дундговь аймаг дэд бүтэцээ сайжруулах жил болгож, 13 багц ажил төлөвлөсний нэг нь сумын төвийн төвлөрсөн дулаан хангамж төсөл юм. Энэ төслөөр Сайхан- Овоо сум төвлөрсөн халаалтын зуухтай болж, байгууллага, аж ахуйн нэгж, айл өрхүүд дулаанаар хангагдах боломжтой боллоо.

Сайхан- Овоо суманд төвлөрсөн халаалтын зуух барьж, шугам сүлжээ угсрах ажилд улсын төсвөөс 150 сая төгрөг зарцуулж, үүн дээр Дундговь аймгийн “Ган-Илч” ХХК 250 сая төгрөг нэмж төр, хувийн хэвшлийн түншлэлээр шинэ дэд бүтэцийг хөдөөгийн суманд бий болгосон юм.
Одоогийн байдлаар төвлөрсөн халаалтад арав гаруй байгууллага, айл өрх холбогдож, дулаанаар хангагдаж эхэлжээ.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД