Цагаан зээрийг хамгаалах аян өрнөж байна

2014 оны 11 сарын 12

Дэлхийн Байгаль хамгаалах сангийн Монгол дахь хөтөлбөрийн газраас санаачлан 11 дүгээр сарын 4-нөөс 12 дугаар сарын 4 хүртэл цагаан зээрийн үнэ цэнийг сурталчлах аян өрнүүлээд байна.

Сарын энэ аяныг Дорнод аймгийн Хөлөнбуйр сумаас эхлүүлсэн бөгөөд тус аймгийн Цагаан овоо, Баян уул сумд, Хэнтий аймгийн Дадал, Норовлин, Батноров, Баян овоо, Сүхбаатар аймгийн Түмэнцогт сумдаар өртөөлөх аж. Иргэд, байгаль хамгаалагчдад зориулсан сурталчилгаа яриа хийж, Тосон хулстай, Хар ямаат зэрэг газарт үзүүлэх сургууль зохион байгуулах юм. Мөн цагаан зээрийн өвөл, намрын нүүдлийг тодорхойлох, зам дагуух аюулаас урьдчилан сэргийлэх, бүс нутгуудад эргүүл хийх ажлыг ч өрнүүлж байна.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД