ССАЖ-ын сайд Ц.Оюунгэрэл тамирчидад баяр хүргэнэ

2014 оны 11 сарын 11

Циркчдийн дэлхийн аварга шалгаруулах тэмцээнд Монгол улсаас циркчдийг төлөөлөн уран нугаралтын төрлөөр анх удаа оролцсон нь дэлхийд гайхагдлаа. Хятадын Ухань хотод 2 жил тутам зохиогддог 11 дэх удаагийн Олон улсын А зэрэглэлийн уг тэмцээнд анх удаа уран нугаралтын төрлөөр Монголын үндэсний циркийн Б.Норовсамбуу багштай, А.Аззаяа, Б.Энэрэл, Д.Хүслэн нарын 14 настай уран нугараач залуу уран бүтээлчид оролцож “Мөнгөн цом” хүртсэн тухай мэдээлж байсан билээ.

Уг тэмцээнд 2000 онд Б.Золбаяр ахлагчтай үндэсний циркийн жүжигчид “Мөнгөн цом”, 2012 онд “Сircus Mongolia Хадгаа” циркийнхэн “Хүрэл цом” хүртэж байжээ.

Циркчдийн дэлхийн аварга шалгаруулах 11 дэх удаагийн тэмцээнээс мөнгөн цом хүртсэн уран нугараач уран бүтээлчдийг 2014 оны 11 дүгээр сарын 11-ний өдрийн 15.00 цагт ССАЖ-ын сайд Ц.Оюунгэрэл хүлээн авч баяр хүргэнэ

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД