”Сэрсэн тал-30 жил” хүндэтгэлийн тоглолт болно

2014 оны 11 сарын 06

Төрийн соёрхолт, УГЗ хөгжмийн зохиолч Б.Шаравын Үндэсний их найралд зориулсан бүтээл "Сэрсэн тал" удиртгал нь энэ жил 30 жилийнхээ ойтой золгож байна.

Хөгжмийн зохиолчийн "Сэрсэн тал-30 жил" хүндэтгэлийн тоглолт  энэ сарын 13-нд ҮДБЭЧ-ын тайзнаа болно. Монгол Улсад орчин цагийн мэргэжлийн найрал хөгжим үүсч хөгжсөний 90 жилийн ойн хүрээнд энэхүү  тоглолтыг зохион байгуулж байгаа юм.

Тоглолтод Монгол төрийн Үндэсний их найрал, Төрийн соёрхолт, Ардын жүжигчин, Зууны манлай бүжиг дэглээч Ц.Сэвжидийн нэрэмжит бүжигчид, урилгаар МУГЖ Ө.Уянга, Э.Амартүвшин, СТА Б.Эрдэнэтуяа, Ч.Энхтайван, Э.Анхбаяр нар ард түмний сэтгэл зүрхэнд хоногшсон "Аав ээж хоёр минь", "Монголын тал нутаг" дууны бүтээлээс дээжлэн үзэгч түмнээ мялаана. Мөн "Сэрсэн тал", "Тэнгэрийн орон", "Морин хуурын концерт" зэрэг хөгжмийн бүтээл, Алтан ураг" бүжгийн жүжгийн хэсгээс эгшиглэх аж.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД