“Арьс, ширний үйлдвэрүүдийн цогцолборыг Хан-Уул дүүрэгт төвлөрүүлэхээр болов

2014 оны 11 сарын 01

Засгийн газрын хуралдаанаар Арьс, ширний үйлдвэрлэлийн талаар авах зарим арга хэмжээний тухай Засгийн газрын 2013 оны 7 дугаар сарын 6-ны өдрийн энэ тогтоолын 1 дүгээр зүйлийг “Арьс, ширний үйлдвэрүүдийн цогцолборыг Улаанбаатар хотын Хан-Уул дүүргийн 14 дүгээр хорооны нутаг “Шар хөцийн хоолой” гэдэг газарт төвлөрүүлэн байршуулсугай” хэмээн өөрчлөхөөр боллоо.

Засгийн газрын 2012-2016 оны үйл ажиллагааны хөтөлбөрт Улаанбаатар, Дархан хотын гадна Арьс, ширний үйлдвэрийн цогцолбор байгуулах дэд бүтцийг шинээр барьж эхлэх зорилт тавьсан. Мөн УИХ-ын 2012 оны 74 дүгээр тогтоолоор арьс, ширний үйлдвэрүүдийг үйлдвэрийн шинэ бүс рүү шилжүүлэх арга хэмжээг үе шаттайгаар зохион байгуулахыг Засгийн газарт үүрэг болгосон юм. Дээрх шийдвэрүүдийг хэрэгжүүүлэх хүрээнд Засгийн газрын 249 дүгээр тогтоол гарчээ.

Арьс, ширний үйлдвэрүүдийн цогцолборын дэд бүтцийн бүтээн байгуулалтын болон хаягдал усыг цэвэршүүлэх, ариутгах, дахин ашиглах орчин үеийн дэвшилтэт технологитой цэвэрлэх байгууламжийг байгуулах ажлыг 2014 оны 11 дүгээр сараас эхлэн Зам, тээвэр, барилга хот байгуулалтын яамтай хамтран шуурхай зохион байгуулахыг Үйлдвэр, хөдөө аж ахуйн сайд Ш.Түвдэндорж, Нийслэлийн Засаг дарга бөгөөд Улаанбаатар хотын Захирагч Э.Бат-Үүл нарт үүрэг болголоо.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД