Барилгачдын талбайг шинэчлэх болжээ

2016 оны 04 сарын 12

Энэ онд барилгын салбарын 90 жилийн ой тохиож буй. Уг ойг угтан олон ажил өрнүүлж буй. Тэдгээрийн дотор Барилгачдын талбайг шинэчлэх ажил багтжээ. Барилгачид ойн баяраа угтан, талбайгаа орчин үеийн загвар хийцэд нийцүүлэн тохижуулах болсон аж.

Тодруулбал, төв цэгт нь баганат өндөрлөг барьж, эргэн тойрныг нь ногоон байгууламжтай болгон, иргэдийн хэрэгцээнд нийцүүлж автомашины ил болон газар доогуурх зогсоол хийхээр төлөвлөсөн байна. Засварын ажлыг Барилгын хөгжлийн төв зохион байгуулж буй гэнэ. Одоогоор зураг төслийг нь гаргаад буй бөгөөд Архитекторын холбооноос талбайг шинэчлэх зураг төслийг нь үнэгүй хийж өгчээ.

Барилга, хот байгуулалтын яамны урд талд байрлах энэ талбайг 1960-аад оны сүүлчээр хотын ерөнхий төлөвлөлтийн дагуу байгуулаад, 1970 онд Барилгачдынх гэж нэрлэсэн байна. Тэр үед урд, хойд талдаа авто зогсоол, төвдөө цэцгийн мандал бүхий нийт 5000 ам метр талбай эзэлж байсан аж.

Ч.МӨНХЗУЛ

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
27.123.214.86 Засахгуй бол унэхээр муухай.

Ч.Мөнхзул

Чулуунбаатарын Мөнхзул 2012 онд МУИС-ийн Утга зохиолын ажилтны анги төгссөн. 2012 оноос "Өнөөдөр" сонины Нийгэм, шуурхай мэдээллийн албанд ажиллаж байгаад 2014 оноос Эдийн засаг, бизнесийн мэдээллийн албанд ажиллаж байгаа.