66.000 мод тарьсанд талархал илэрхийллээ

2015 оны 10 сарын 21

БОНХАЖ-ын сайд Н.Батцэрэг “Нэр төр эрхэмсэг амьдрал” төрийн бус байгууллагын тэргүүн Д.Наранцогт болон тус ТББ-тай хамтран ажилладаг БНХАУ-ын Шилийн гол аймгийн “Тулга, хайр халамж” холбооны тэргүүн С.Түмэнжаргал, “Сайн хүн” аяныг санаачлагч Д.Сайжраа нарыг өнөөдөр хүлээн авч уулзав. “Нэр төр эрхэмсэг амьдрал”-ынхан Монгол орны найман аймгийн 41 сум, нийслэлийн долоон дүүрэгт нийт 66.000 мод тарьжээ. Цаашид ч мод тарих хөдөлгөөнөө үргэлжлүүлэхээ дуулгасан юм. Н.Батцэрэг сайд “Монгол орны усны түвшин жил ирэх бүр доошилж буй энэ үед ойжуулалтын ажил зохион байгуулахаас өөр аргагүй ч бидэнд хөрөнгө, хүн хүч, тарьсан модоо эзэнжүүлэхээс эхлээд шийдвэрлэх олон асуудал бий. БОНХАЖЯ мод тарьж буй та бүхний хөдөлгөөнийг бодлогын хувьд дэмжих болно” гэсэн юм.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Ч.Мөнхзул

Чулуунбаатарын Мөнхзул 2012 онд МУИС-ийн Утга зохиолын ажилтны анги төгссөн. 2012 оноос "Өнөөдөр" сонины Нийгэм, шуурхай мэдээллийн албанд ажиллаж байгаад 2014 оноос Эдийн засаг, бизнесийн мэдээллийн албанд ажиллаж байгаа.