“Цэцээ гүн”-д төөрсөн иргэнийг хайх дадлага сургуулилалт хийж байна

2015 оны 03 сарын 20

Нийслэлийн Аврах ангийн аврагчдын мэргэжлийн ур чадварыг дээшлүүлэх  Богдхан уулын аяллын маршрутын зам гарцыг судлах, богино долгионы станц болон гар утсаар холбоо барьж, радио торд орж ажиллах боломжит цэгүүдийг тогтоох зорилгоор “Ууланд төөрсөн иргэнийг хайх, аврах ажиллагаа явуулах, радио торын аргыг ашиглан холбоо зохион байгуулах” сэдэвт дадлага сургуулийг нийслэлийн Онцгой байдлын газраас зохион байгуулж байна. Дадлага сургуулийг Төр хурх-Цэцээ гүн, Манзушир-Цэцээ гүн, Зайсан-Дугуй цагаан-Цэцээ гүн, Скай ресорт-Тэмээн хад-Цэцээ гүн гэсэн дөрвөн маршрутаар зохион байгуулж, эрэн хайх, аврах ажиллагаа радио торын дадлагыг эхлэх цэгт нийт албан хаагчдыг томилгоожуулан, өгөгдсөн цагийн байдлаас шалтгаалан радио торын аргаар холбоонд орж сургуулилалт хийж буй аж. Нийслэлийн Онцгой байдлын газрын гамшгийн шуурхай удирдлагын хэлтэс, аврах ангийн бэлтгэл бэлэн байдлыг дээшлүүлж, Богдхан уулын аялалын зам маршрутыг судлан, хэт богино долгионы радио станцаар радио торд холбоонд орох болон гар утсаар холбоо барих боломжтой цэгүүдийг тогтоох, аврагчдын радио станцыг ашиглах, уулан үүрэг гүйцэтгэх чадварыг сайжруулахад дадлага сургуулийн зорилго оршино. Нийт 12 цаг үргэлжлэх энэхүү дадлага сургуульд нийслэлийн Аврах ангийн 91 албан хаагч хамрагдаж буй аж. 

Ч.Мөнхзул

Чулуунбаатарын Мөнхзул 2012 онд МУИС-ийн Утга зохиолын ажилтны анги төгссөн. 2012 оноос "Өнөөдөр" сонины Нийгэм, шуурхай мэдээллийн албанд ажиллаж байгаад 2014 оноос Эдийн засаг, бизнесийн мэдээллийн албанд ажиллаж байгаа.