Сар шинийн баяр, амралтын өдрүүдийн цаг агаарын төлөв

2016 оны 02 сарын 08

Цаг уурын байгууллагаас гаргасан 2016 оны 2 дугаар сарын цаг агаарын урьдчилсан мэдээгээр сар шинийн баярын өдрүүд буюу 8,9 хүйтний эрч суларна. Харин 10-наас бага зэргийн цас орж, цасан явган шуурга шуурч, цаг агаар тогтворгүй байх төлөвтэй байгааг цаг уурын байгууллагаас мэдээлж байна.

 Сар шинийн баяр, амралтын өдрүүдэд хот, хөдөөг зорих иргэдийн хөдөлгөөн эрс нэмэгддэг.  Иймд иргэд хөдөө, орон нутгийг зорихдоо гол, мөрөн, нуурын мөсөн дээгүүр зорчихгүй байх, бэлтгэл, бэлэн байдлаа сайтар ханган холын замд гарахыг онцгойлон анхааруулж байна. Түүнчлэн дулаан хувцас, халуун хоол хүнс болон цас ухах багаж хэрэгсэл базаах, шатахууны нөөцтэй явах, автомашин, техник хэрэгслийн бүрэн бүтэн байдлыг сайтар хангахыг анхааруулжээ.

Мөн холын замд гарахдаа аль болох туулах чадвар сайтай автомашинаар зорчиж, цаг агаарын мэдээ, мэдээллийг цаг тухай бүр сонсон мэргэжлийн байгууллагаас өгч буй сэрэмжлүүлэг, анхааруулгыг  дагаж заншихыг зөвлөж байна.

 

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД