”Амгалан” амаржих газрын шинэ байр ашиглалтад орлоо

2015 оны 10 сарын 02

Нийслэлийн гуравдугаар амаржих газар буюу “Амгалан” амаржих газрын 150 ортой шинэ байр ашиглалтад орж нээлтээ хийсэн байна. Тус амаржих газар нь 45 ортой жилдээ 6000 эх төрж 10000 эх хэвтэн эмчлүүлдэг байсан бол өнөөдөр Япон Улсын Засгийн газрын 1.5 сая ам.долларын буцалтгүй тусламжийн хөрөнгөөр орчин үеийн тоног төхөөрөмж, аппаратаар тохижуулж 9000 ам.метр талбайд 412 өрөө, 150 ортойгоор 220 гаруй эмч, эмнэлгийн ажилчидтай, хүчин чадлын хувьд гурав дахин нэмэгдэж, эмнэлэг ачаалал ихтэй үед орны тоогоо 100-аар нэмэгдүүлэх боломжтой долоон давхар төрөх эмнэлэг болон  өргөжиж үйл ажиллагаагаа явуулахаар боллоо.

300 гаруй мянган хүн амтай Баянзүрх дүүрэгт 150 ортой тус амаржих газар ашиглалтанд орсноор төрөлт, нярайн тусламж үйлчилгээ, охид, эмэгтэйчүүдийн өвчлөл, жирэмслэлт нөхөн үржихүйтэй холбоотой оношилгоо, эмчилгээ сувилгаа, мэс засал, нөхөн сэргээх эмчилгээнүүдийн  шинэ төрлүүд нэвтэрч, нийслэлийн хүн амд үзүүлэх эмнэлгийн тусламж үйлчилгээний  чанар хүртээмж нэмэгдэж үйлчилгээний төрлүүд нэмэгдэх боломжтойг холбогдох албаныхан хэлж байсан юм.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
27.123.214.110 Harya n ali ali duureg horoog huleen avah ve