Парламентын төлөөлөгчид хүндэтгэлийн тоглолтыг үзэж сонирхлоо

2015 оны 09 сарын 19

Монгол Улсын Их Хурал Европын аюулгүй байдал, хамтын ажиллагааны байгууллагын Парламентын Ассамблейн 2015 оны намрын хурлыг Монгол Улсын нийслэл Улаанбаатар хотноо энэ сарын 15-наас 18-ны өдрүүдэд зохион байгуулагдсан билээ. Тэгвэл тус арга хэмжээнд оролцсон 47 орны парламентын 300 гаруй төлөөлөгчдөд зориулсан хүндэтгэлийн тоглолт энэ сарын 18-ны өдөр Улсын дуурь бүжгийн эрдмийн театрт боллоо.

Энэ үеэр Үндэсний дуу бүжгийн эрдмийн чуулга, Үндэсний үлээвэр найрал хөгжим, Монгол Улсын морин хуурын чуулга, Улсын Филрамонийн симфони найрал хөгжим,  “Хөсөгтөн” хамтлаг болон Улсын дуурь бүжгийн эрдмийн театрын уран бүтээлчид уран бүтээлээ толилуулав.

Хүндэтгэлийн тоглолтыг Улсын Их Хурлын дарга З.Энхболд, Улсын Их Хурлын гишүүн, Улсын Их Хурал дахь Монгол-ЕАБХАБ-ын Парламентын Ассамблейтай харилцах бүлгийн дарга М.Батчимэг, Улсын Их Хурлын Тамгын газрын Ерөнхий нарийн бичгийн дарга Б.Болдбаатар, ЕАБХАБ-ын Парламентын Ассамблейн 2015 оны намрын хуралд оролцсон төлөөлөгчид болон албаны бусад хүмүүс үзэж сонирхлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.


АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД