Өмгөөлөгч Ц.Баасандоржид гомдол гаргажээ

2015 оны 09 сарын 10

Шинэчлэлийн Засгийн газраас хэрэгжүүлсэн “Нүүрс” хөтөлбөрийн хөрөнгөнөөс 13 тэрбум төгрөгийг хууль бусаар хувьдаа завшсан хэргээр буруутгагдаад байгаа Ерөнхий сайд асан Н.Алтанхуягийн ахлах зөвлөх Л.Гансүх нарт холбогдох шүүх хурал Л.Гансүхийн өмгөөлөгч Ц.Баасандорж шүүхийн бүрэлдэхүүнээс татгалзсаны улмаас түр завсарлаад байгаа билээ. Тодруулбал, Х.Идэр шүүгчийн ах Х.Тамир прокурорыг АТГ-аас шалгаж байгаа. Тэгэхээр ахаар нь барьцаалж, Л.Гансүхийн хэргийг шийдвэрлүүлэх гэж байж болно хэмээн үзээд хэрэгт хуваарилагдаад буй гурван шүүгчийг ашиг сонирхлын зөрчилтэй гэж үзэн, хэргийг шийдвэрлүүлэхээс татгалзаж байгаа аж.

Тэгвэл шүүгч Х.Идэр өмгөөлөгч Ц.Баасандоржийг өөрөөс нь татгалзсаны төлөө арга хэмжээ авахуулж, хариуцлага тооцуулахаар Шүүхийн ерөнхий зөвлөлд гомдол гаргажээ. Тус гомдлыг хүлээн авсан тохиолдолд өмгөөлөгч Ц.Баасандоржийг нэг сая 930 мянган төгрөгөөр торгох юм байна.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
172.101.82.153 arai ch ugui bailgui dee. odoo bur umguulugchuur ni damjuulj daramtlah ni l dee.