Солонгос дахь Монголчууд Сайн байна уу?

2015 оны 02 сарын 02

Би 11 жилийн өмнө Солонгос улсад сурахаар очиж, сурахын хажуугаар ажил хайн, арабайт хийж айл нүүлгэн, самүшил дээр биеэ үнэлэн, барилгын цэвэрлэгээ, шигданы ажил гээд Монголчуудын хийдэг бүх л ажлыг хийж явсан жирийн нэг залуу байна. 2015 оны эхэнд би дахин нэг удаа Солонгос улсыг зорьж тэндхийн Монголчуудтай уулзан, олон зүйлийн талаар ярилцсан юм. Надад бүтэн 10 жилийн жиших өнцөг болоод туршлага байгаа учраас би тэнд амьдрал ямар байгаа талаар өөрийн ойлгож мэдэрснээ та бүхэнтэй хуваалцья гэж бодлоо. 

Хамгийн түрүүнд Монголчууд олуулаа болжээ. Албан бус тоогоор 30000 Монгол хүн тэнд хууль ёсны ба хууль бусаар бүртгэлтэй байдаг гэнэ. Монголчууд олон болсныг батлах хамгийн наад захын жишээ бол хилийн шалганаар орж ирдэг цонхон дээр Монголоор ярьдаг хуруу уншигч байсан юм. “Та хуруугаа дарна уу, та хуруугаа дахин дарна уу” гэж зааварлах нь нэг бодлын хөгжилтэй ч юм шиг. Харин өмнө нь тийм байсангүй. Бүгд л виз нь гарчихсан мөртлөө дотроо айдастай тэр цонхыг давдаг байлаа. Түүнээс өмнөх түүх яривал Монголчууд 1996, 1997 онд Далиан, Тяанжиний усан боомтоос хөдлөн замдаа хэд хоног бөөлжин байж Гуулин улсад хар ажил хийхээр бууж байсан юм.

За тэр яахав, элчингийн виз хариуцсан Монгол мэргэжилтэнтэй уулзтал ердөө өнгөрсөн оны 11,12-р сард гэхэд 900 гаруй тооны Монгол хүн Солонгос улсад харласан гэнэ. Харлана гэдэг нь хууль бусаар тэнд ажиллаж, амьдрахын нэр. Энэ нь яах аргагүй Монгол улсад эдийн засаг хямарч бодит нөхцөл байдал дээр хүмүүсийн амьдрал муудсаных. Магистр зэрэгтэй, 2 их дээд сургууль төгссөн нэгэн ч сард авах хэдэн төгрөгийн зөрүүг нь бодон Солонгос руу ажил хийхээр явж байна.

Аяллын 3 сарын виз гаргуулан ажлаасаа чөлөө аван ажиллах нэгэн хүртэл байх. Арга ч үгүй дээ, хуучин 1:1 шахуу байдаг вонн одоо 1:1.8 буюу бараг нэг дахин өссөн. Тэнд олсон нэг сая вонн Монголд 2 сая шахуу төгрөг. 2 сая төгрөгийн цалин Монголд маш их мөнгө. Солонгос явах ашигтай болжээ. Уул уурхайд дарагдсан эдийн засгийн хөөс дарагдсан байна, бид хөрсөндөө бууж эхлэж.

Муусайн Солонгосчууд, Солонгос сериалын нөлөө бидний түүх соёлоос илт давамгайлж, түүнийг нь хэвлэл мэдээллийн хэрэгсэл, хэдэн телевизүүд хөхүүлэн дэмжиж байна. Энэ бол буруу, буруу, буруу ... Бид гаднаа ингэж ярьсан ч хэдэн мянгаараа Солонгосын виз хөөцөлдөн, хэдэн зуун мянгаараа орой зурагтынхаа өмнө суугаад Солонгос сериалыг үзэж байгаа. Тэгээд бид Солонгос сериалаар бүхнийг төсөөлөн нэг их сайхан газар луу явж байгаа мэт гадны улсыг зорьж байгаа.

Учир мэдэх нэг нь мөнгө дагна, учир мэдэхгүй хүүхдүүд бол моод дагана. Бид дагана, тэд дагуулна. Түүхээр яривал тэртээх 13-р зууны бидний туулсан оргил яг одоо азийн бар гэгдэх Солонгост, Япон, Сингапур гэх мэт улсуудад ирсэн юм шиг байна, Хятадын тэр давалгаа бол бүр маш холоос нүүгэлтэн харлах аймшиг шиг санагдана. Нэг оргилж нэг намсах далайн давалгаа мэт түүх, тохиол, цаг хугацаа хувисан өөрчлөгдөж байдаг юм болов уу ? ...  Үргэлжлэл бий ...

Ч.Ганжавхлан

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
182.160.5.171 Solongos serialuud chine tsaad utgaaraa tend ochij ajillah boolchuudiig chimeeguihen daldaas baga nasnaas n beldej baigaa yum shuu dee. End Mongold bagaasaa solongos hogoor tarhia bohirluulsan Mongol zaluus deed surguuli tugsuud ”huuchin tanil hugjiltei goy” solongostoo ochihoor yardag setgehuitei bolj manai undestend mash chimeegui ayuliig bii bolgoj baina.
103.229.122.237 Muulj baigaa gej oigogdson bol uuchlaarai. Bi yag bodit baidliig uuriin harsan uzsenee l bichehiig hussen yum shuu. Ted hurungu oruulalt hiideg gedegtei 100 huvi sanal niilj baina . Bayaralaa
202.21.113.138 1 dahin osson. 1 dahin osno gedeg osoogui gesen utga ilerhiilne. Aldaaga zasaarai
81.82.113.225 gadaadruu garsan humuusee muulaad bn ted nar chini jilhen horongo oruulalt hiij bg biz dee
212.95.7.173 Uchir medeh neg n mongo dagana uchir medehgui neg n mood dagana ......

Ч.Ганжавхлан

Ганжавхлан. Ч 1988 онд Улаанбаатар хотод төрсөн. 2004 он Солонгос улсын Dankook-н их сургуулийн хэлний бэлтгэлд, 2007 он Бээжин хотын төв санхүү эдийн засгийн дээд сургуульд, 2009 он Сингапур улсад хэлний бэлтгэлд, 2011 он АНУ-н Virginia мужийн Arlington хотын Lado International College сургуульд, 2012 он Санхүү Эдийн засгийн дээд сургуулийн MBA мастерт тус тус суралцсан. Олон нийтийн ажил: 2010 он Бээжин хотын МОХ-ны сургалтын албаны дарга 2010 он “Би жирийн нэг Монгол залуу” ном 2011 он “Нэг хуудас цагаан цаас” илтгэл /БНХАУ-н Элчин сайдын яам/ 2012 он “Бүгдээрээ дулаахан өвөлжье” сайн үйлсийн аян санаачлан зохион байгуулж “Хамтын халуун сэтгэл” залуусын нэгдлийг эхлүүлсэн 2012 он “Хүний наймаа”-ны эсрэг тэмцэл өрнүүлсэн 2012 он Сайн дурын байгууллагуудын нэгдсэн сүлжээнээс Хүчирхийллийн эсрэг үндэсний төвийн төлөөлөл болж “Оны шилдэг залуу сайн дурын ажилтан” шагнал 2012 он “Оны шилдэг сайн үйлстэн” номинацид “Бүгдээрээ дулаахан өвөлжье” аянаар шалгарсан 2012 он СЭЗДС-н Манлайлагч оюутан 2013 он “Лантуун дохио” ТББ-г үүсгэн байгуулсан 2013 он “Боорцог ба Сарнай” номоо албан ёсоор нээсэн