Б.Обамагийн охиныг 70 хониор “авна”

2015 оны 05 сарын 28

Кенийн иргэн, шүүгч мэргэжилтэй Феликс Кипроно Цагаан ордны тэргүүн Б.Обамагийн том охин Малияд дурлаад удаж байгаа гэнэ. Тиймээс ирэх долдугаар сард Кенид айлчлах АНУ-ын Ерөнхийлөгчөөс охиныг нь гуйхаар төлөвлөжээ. Үндэстнийхээ ёс заншлын дагуу тэрбээр сүйт бүсгүйн инжинд нь 70 хонь, 50 үхэр, 30 ямаа өгөхөөр бэлтгэж байгаа сурагтай. Гэхдээ хэрэв аав нь зөвшөөрвөл шүү дээ. Кипроногийн хувьд Малияг насан туршид нь жаргааж чадна гэж итгэж байгаа шигээ аавыг нь ч ятгаж дөнгөнө  гэсэн найдвар тээж байгаа тухайгаа сэтгүүлчдэд ярьжээ. Тэрбээр өөрийгөө мөнгөний төлөө ийм юм хийгээгүй гэдгийг онцлоод Малияг 2008 оноос л “онилоод” байгаагаа учирлажээ. Аз нь шовойгоод аавыг нь “урвуулж” чадвал шүүгч залуу гэрлэснийхээ дараа эхнэрээрээ үнээний дэлэн шувтруулж, кени үндэснтний хоол хийлгээд их л энгийн амьдрахаар төлөвлөсөн гэх. Малия Энн Обама 16 настай, “Sidwell friends school”-д сурдаг. Дашрамд, Барак Обамагийн эцэг кени гаралтай. 

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Ж.Эрдэнэцэцэг

Жамсранжав Эрдэнэцэцэг Орос хэлний дээд сургууль, Хэвлэлийн хүрээлэн дээд курс төгссөн. Шагнал: Ган үзэг, Хэвлэл мэдээллийн тэргүүний ажилтан 2007 оноос "Өнөөдөр" сонины ЧЦТМА-ны сэтгүүлч, өдгөө даргаар, "Ням гариг" сонины эрхлэгчээр ажиллаж байна.