21 аймагт орон сууцны байнгын хороо байгуулна

2015 оны 08 сарын 13

 

Монголын Залуучуудын холбоо Үндэсний залуучуудын зөвлөлийн анхдугаар хуралдаанаараа залууст тулгарсан бэрхшээлийг шийдэхийн тулд 16 байнгын хороо байгуулахаар болсон. Тэгвэл Орон сууцны байнгын хороо 21 аймагт салбар байгуулах ажилдаа ороод байна. Энэ сарын 7-9-нд болсон Төвийн бүсийн чуулганд оролцсон зургаан аймгийн төлөөлөгчдөд Орон сууцны байнгын хорооны дарга П.Анхбаяр хороог орон нутагт хэрхэн байгуулж, яаж ажиллах талаар заавар өгсөн юм. Уг чиглэлийн дагуу Орон сууцны корпораци болон байнгын хороодыг бүс нутаг, аймаг сумын хэмжээнд байгуулах ажлыг орон нутгийн залуус дэмжин, энэ сарын 25 гэхэд салбараа байгуулахаар санал нэгдлээ. Ийнхүү аймаг бүр Орон сууцны байнгын хороо байгуулж дууссаны дараа буюу ирэх есдүгээр сарын 12-нд 21 аймгийн байнгын хороодын дарга нар Улаанбаатар хотноо чуулж, цаашид хийж хэрэгжүүлэх ажлаа хэлэлцэх аж. 

Э.Эрдэнэцэцэг

Овог нэр: Эрдэнэцогтын Эрдэнэцэцэг Төгссөн сургууль, он, мэргэжил: Кино урлагийн дээд сургууль. 2012 он. Сэтгүүлч Шагнал: 2013 оны "Өнөөдөр" сонины тусгай бичлэгийн шагнал, "Балдорж" сангийн сарын шилдэг бичлэгийн шагнал 2012 оноос "Өнөөдөр" сонины Нийгэм, шуурхай мэдээллийн алба