“Цөм хөтөлбөр” үр дүнгээ өгөөд эхэлжээ

2015 оны 05 сарын 22

 

2014-2015 оны хичээлийн жилд “Цөм хөтөлбөр” туршилтаар явуулж буй. Мөн аймаг, дүүрэг болгон дээр түшиц цэцэрлэг байгуулж энэ хөтөлбөрийг туршжээ. Уг хөтөлбөрийн гол зорилго нь цэцэрлэгийн сургалтыг хүүхэд бүрийн өөрийгөө хөгжүүлэх сургалт болгон өөрчлөхөд чиглэж байгаа юм байна. Сургуульд орох наснаас нь өмнө тухайн хүүхдийн авъяасыг нь нээх, юу сонирхдогийг нь илрүүлэх, үзэл бодлоо чөлөөтэй илэрхийлдэг болгох, эцэг эхчүүдэд үр хүүхдийг нь илүү таньж мэдүүлэхийн тулд тус хөтөлбөрийг боловсруулжээ. Л.Гантөмөр сайд хэлэхдээ "Өмнөх сургалтын хөтөлбөрийн тал нь ямар нэгэн зорилгогүй, үлдсэн нь хүүхдүүдийн бичих, дүрслэх, зурах, өнгө ялгах сургалтыг явуулдаг байсан байна. Энэ жилээс 100 хувь хүүхдийн хөгжлийн цаг болгож, тухайн хүүхдийн сонирхсон тоглоом, үйл хөдлөлөөр дамжсан сургалтын системийг барьж ажиллана” гэв. Энэ нь практик дээр хийсэн туршилтаар үр дүнтэй нь тогтоогдсон гэж тайлбарлав. Хүүхдийг сургууль орох наснаас нь өмнө авъяас, сонирхлыг нь тодорхойлсноор ерөнхий боловсролын сургуульд суралцах хугацаанд амжилт гаргаж, цаашлаад ирээдүйд зөв, бүтээлч хүн болж төлөвшинө гэж үзэж байгаа аж.

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Э.Эрдэнэцэцэг

Овог нэр: Эрдэнэцогтын Эрдэнэцэцэг Төгссөн сургууль, он, мэргэжил: Кино урлагийн дээд сургууль. 2012 он. Сэтгүүлч Шагнал: 2013 оны "Өнөөдөр" сонины тусгай бичлэгийн шагнал, "Балдорж" сангийн сарын шилдэг бичлэгийн шагнал 2012 оноос "Өнөөдөр" сонины Нийгэм, шуурхай мэдээллийн алба