Залаатын аманд гарсан түймрийг унтраалаа

2015 оны 05 сарын 19

 

Нийслэлийн Баянзүрх дүүргийн 11 дүгээр хороо, Залаатын аманд өчигдөр 21.02 цагт ой хээрийн түймэр гарчээ. Энэ дагуу дүүргийн Онцгой байдлын хэлтэс, Аврах гал унтраах 10, 63 дугаар ангийн албан хаагчид тухайн газар явж байсан 17 иргэний хамт очиж, 21.23 цагт буюу 21 минутад түймрийг унтраасан байна. Хоёр орчим га газрыг хамарсан түймрийн шалтгааныг тодруулахаар дүүргийн Цагдаагийн III хэлтэс үзлэг хийж байгаа аж.

Баянзүрх дүүргийн хэмжээнд он гарснаас хойш ой хээрийн түймэр гурван удаа гараад байгаа юм. Иймд хуурайшилтын үе буюу зургадугаар сарын 10-ныг хүртэл нийслэлийн ногоон бүсэд мэргэжлийн байгууллагын зөвшөөрөлгүйгээр зорчихгүй, аялахгүй, тамхи болон шүдэнз хаяхгүй байхыг дүүргийн Онцгой байдлын хэлтсээс анхаарууллаа.

Э.Эрдэнэцэцэг

Овог нэр: Эрдэнэцогтын Эрдэнэцэцэг Төгссөн сургууль, он, мэргэжил: Кино урлагийн дээд сургууль. 2012 он. Сэтгүүлч Шагнал: 2013 оны "Өнөөдөр" сонины тусгай бичлэгийн шагнал, "Балдорж" сангийн сарын шилдэг бичлэгийн шагнал 2012 оноос "Өнөөдөр" сонины Нийгэм, шуурхай мэдээллийн алба