Сэлэнгэ аймгийн Нийгмийн хамламж үйлчилгээний хэлтэс шинэ байртай боллоо

2015 оны 04 сарын 23

 

Сэлэнгэ аймаг 105.000 гаруй хүн амтай. Аймгийн Нийгмийн халамж, үйлчилгээний хэлтэс 57 орон тоо, хоёр ахмадын сувилалтай үйл ажиллагаа явуулдаг.  Аймгийн хэмжээнд нийгмийн халамжийн үйлчилгээ авдаг 30-аад мянган иргэн байдаг нь аймгийн нийт хүн амын 29.1 хувь нь юм. Тэгвэл аймгийн Нийгмийн халамж, үйлчилгээний хэлтэс шинэ байртай боллоо. Тус төвд ахмад настаны, хөгжлийн бэрхшээлтэй иргэдийн, зорилтот бүлгийн иргэдийн болон сэтгэл зүйн зөвлөгөө өгөх танхим зэрэг танхим ажиллах юм.  Нийгмийн халамж үйлчилгээний төв шинэ байртай болсноор ард иргэддээ чирэгдэлгүй үйлчлэх, төр засгийн бодлого, хөтөлбөрийг ялангуяа зорилтод бүлэгт шуурхай хүргэх боломжийг бүрдүүлж байгааг аймгийн удирдлагууд болон, хэлтсийн албан хаагчид онцлон хэлж байлаа. Шинэ байрыг  Хүн амын хөгжил, нийгмийн хамгааллын сайдын багц хөрөнгөнөөс 1.5 тэрбум төгрөгөөр барьсан байна.  Түүнчлэн  байрнаас гадна компьютер тоног төхөөрөмж, тавилгыг цогцоор нь шийдвэрлэн өгч байгаа юм.

Э.Эрдэнэцэцэг

Овог нэр: Эрдэнэцогтын Эрдэнэцэцэг Төгссөн сургууль, он, мэргэжил: Кино урлагийн дээд сургууль. 2012 он. Сэтгүүлч Шагнал: 2013 оны "Өнөөдөр" сонины тусгай бичлэгийн шагнал, "Балдорж" сангийн сарын шилдэг бичлэгийн шагнал 2012 оноос "Өнөөдөр" сонины Нийгэм, шуурхай мэдээллийн алба