Хөрөнгө хэмнэх зорилгоор Боловсролын хэлтсийг нэгтгэжээ

2014 оны 11 сарын 14

Боловсролын тухай хуульд дүүрэг болгон Боловсролын хэлтэстэй байх ёстой гэж заасан байдаг аж. Гэтэл нийслэлийн Багахангай дүүрэгт ийм хэлтэс байдаггүй. Налайх дүүргийн Боловсролын хэлтэст тус дүүргийг хариуцсан нэг мэргэжилтэн бий. Энэ талаар нийслэлийн Боловсролын газрын даргын орлогч Р.Түвшинбатаас тодруулахад “Нийслэлийн Засаг даргын 2009 оны А633 дугаар захирамжаар Багахангай дүүргийн Боловсролын хэлтсийг татан буулгасан байдаг. Багахангай дүүрэгт нэг сургууль, хоёр цэцэрлэг л үйл ажиллагаа явуулдаг. Ийм байтал зургаан хүний орон тоотой хэлтэс байгуулах нь эдийн засагт халгаатай” гэлээ. 

Э.Эрдэнэцэцэг

Овог нэр: Эрдэнэцогтын Эрдэнэцэцэг Төгссөн сургууль, он, мэргэжил: Кино урлагийн дээд сургууль. 2012 он. Сэтгүүлч Шагнал: 2013 оны "Өнөөдөр" сонины тусгай бичлэгийн шагнал, "Балдорж" сангийн сарын шилдэг бичлэгийн шагнал 2012 оноос "Өнөөдөр" сонины Нийгэм, шуурхай мэдээллийн алба