Г.ЦЭРЭНТОГТОХ: Хайр айдсаас ч илүү хүчтэй юм билээ

2015 оны 08 сарын 19

Дүрэлзэн асах галаас дүүгээ авраад өөрөө маш хүнд түлэгдсэн хүүгийн талаар сонсоогүй хүн ховор биз ээ. Тэр хэдийнэ үндэсний баатар болсон. Халуун сэтгэлтэй ард түмнийхээ хүч дэмжлэгээр Г.Цэрэнтогтох хүү БНСУ-ын “Хангасү” эмнэлэгт эмчлүүлэн эх орондоо ирээд байна.

Манай сонины зургадугаар сарын 16-ны дугаарт “Найман сартай дүүгээ аварсан ахад тусалъя” гэсэн гарчигтай мэдээлэл гарсан билээ. Тэр цагаас олон зуун хүн хоёр хүүд сэтгэлийн болон санхүүгийн дэмжлэг үзүүлж эхэлсэн.

Наймхан сартай дүүгийнхээ амийг аварч, өөрөө 80 хувь түлэгдсэн, 16 настай Г.Цэрэнтогтох хүүд эрвийх дэрвийхээрээ тусалсны хүчээр өнөөдөр тэр хөл дээрээ бослоо. Үеийн залуус нь “Ахыг аваръя” хөдөлгөөн өрнүүлж, Монголд амьдарч буй өвөрмонголчуудаас эхлээд Солонгос дахь монголчууд хандивын тоглолт зохион байгуулсан билээ.

Нэгэн бяцхан хүү хүртэл төрсөн өдрийн бэлгэнд авсан 50 мянган төгрөгөө түүний эмчилгээнд зориулж байв. Г.Цэрэнтогтох ч мөн адил бусдад туслахыг хэрэндээ хичээж, эмчилгээнээсээ илүү гарсан эм тариа, боолт зэргээ уржигдар ГССҮТ-ийн Түлэнхийн тасагт хандивласан юм.

Энэ үеэр Г.Цэрэнтогтох болон түүний ээж М.Болортуяатай ярилцлаа. Тэрбээр цочролын байдлаасаа бүрэн гарч чадаагүй, биеийн байдал нь одоогоор сул байгаа тул ээж нь зарим асуултад өмнөөс нь хариулсан юм.

-Олон түмнийхээ дэмжлэгээр хөл дээрээ бослоо шүү дээ. Эрүүл болоод эх орондоо ирэх ямар байна?

-Маш их баяртай байна. Надад тусалсан монголчууддаа бүгдэд нь баярлалаа. Солонгост ажиллаж, амьдарч байгаа монгол ах, эгч нар маань ээж бид хоёрыг элэгсэг дотноор хүлээн авч, хоол, цай зөөгөөд байнга эргэж ирж байсан.

-Эмнэлэгт хоёр сар гаруй хэвтлээ. Элэг, бөөр зэрэг дотор эрхтэндээ нөлөөлсөн учраас хагалгаа хийхэд хүндрэлтэй гэж солонгос эмч нар хэлсэн гэж байсан. Тэнд ямар эмчилгээ хийлгэсэн бэ?

Ээж М.Болортуяа: -Миний хүү маш өндөр халуурсан учраас дэмийрээд, ухаан санаа нь орж гараад байсан. Солонгост очсон хойноо ч элийрлийн байдалтай байлаа.

Хүү минь сувилагч руу хараад элдэв юм яриад байхаар нь хэл ойлголцохгүй тэрбээр орчуулагч дуудаж асуусан чинь эмээтэйгээ ярьж байгаа юм шиг яриад байсан гэсэн. Хэд хоног эмчилгээ хийлгээд гайгүй болсон.

“Хангасү” эмнэлгийн эмч нар хүүгийн минь баруун гуянаас арьс авч, хоёр мөр, тохой, хөлийн шагай зэрэг биеийн нугалардаг хэсэгт нөхсөн. Мөн хоёр гар хөлийн хэсэгт хиймэл арьс нөхөх хагалгаа хийсэн нь амжилттай болсон.

Нуруу цээжинд нь мэс хүргэлгүй өөрөөр нь нөхөн төлжүүлэх эмчилгээ хийж байна.

-Хэдий ухаан нь орон гаран байсан ч монголчуудыгаа тусалж дэмжиж буйг мэдэж байсан биз дээ. Энэ нь чамд сэтгэлийн дэм хайрласан болов уу?

Г.Цэрэнтогтох: -Тийм ээ. Найз нөхдөөс эхлээд ганц удаа ч уулзаж байгаагүй хүмүүс эмчилгээнд минь зориулж хандив өгч, намайг амьд үлдээхийг хүсэж байгаад нь туйлын их баярласан. Одоо ч гэсэн баярласнаа илэрхийлж чадахгүй байна.

-Монголдоо ирээд хэд хоночихлоо. Гадуур явахад хүмүүс чамайг таньж байна уу?

-Хүмүүс таниад ирж, “Сайн уу. Бие нь гайгүй болсон уу” гээд асуугаад байгаа. Энэ нь гоё ч гэсэн нэг талаар жаахан эвгүй. Өмнө нь ингэж олны анхааралд байж үзээгүй болохоор тэр юм уу даа.

-Уучлаарай, үүнийг асууж байгаад. Зургадугаар сарын 10. Танай гэрт гааз дэлбэрсэн өдөр. Тухайн үед яг юу болсон юм бэ?

-Тэр үед болсон явдлыг сайн санахгүй байгаа. Галын машин ирснийг л тод санаж байна. Ямар ч байсан дүүгээ л аврах ёстой гэсэн ганцхан бодол толгойд минь байсан. Маш их айсан ч гал руу гүйгээд орчихсон. Хайр айдсаас ч илүү хүчтэй юм билээ.

-Дүү нь гэртээ ганцаархнаа унтаж байсан гэсэн байх аа?

-Дүү бид хоёр хоёулаа унтаж байсан. Гэрээс маш хүчтэй дуу чимээ гарахыг манай хажуугийн айл сонссон гэсэн. Би тусламж гуйн гүйж гарсны дараа эргэн орж, унтаж байсан дүүгээ аварсан. Дүүгээ тэвэрч гараад л ухаан алдсан юм шиг байна лээ.

Төрсөн дүүгээ “шатаж” буйг мэдрэх ямар байсныг үгээр хэлшгүй. 16-хан насандаа ахадсан гэмээр шаналал, зовиур, өвдөлт бас аз, амьд явахын утга учрыг мэдэрсэн түүгээр дахин дахин бахархаж суулаа.

Үхэлтэй нүүр тулсан тэр өдрүүдийг Г.Цэрэнтогтох мартсан, эсвэл мартахыг хүсэж буй нь түүний ярианаас илэрхий.

Тиймээс ч тэр үү ээж нь “Тэр үеийн явдлыг дахин сөхөж яримааргүй байна” гээд хэсэг чимээгүй болцгоов.

-Та хоёр гэрт гал гарч, хүүхдүүд тань аюултай байдалд орсныг хэзээ мэдсэн бэ?

М.Болортуяа: -“Танайд гал гарлаа” гэж хажуугийн айлын хүн утсаар хэлсэн. Нөхөр бид хоёрыг эндээс (Улаанбаатарын төвд ажил хийдэг) Налайх руу очиход эмнэлгийн машин ГССҮТ-рүү ирж таарсан. Хүн эхлээд муу юм л боддог юм билээ.

Хоёр хүүхэд минь л амьд байгаасай гэж залбирч явсан.

-“Дашваанжил” компанийн гааз гэсэн байх аа. Галын дүгнэлт юу гэж гарсан бэ?

-Баллоны шланк нь цоорсноос хий гарч, гал гарсан байх магадлалтай гэсэн дүгнэлт гарсан. Гэхдээ тэр шланкыг баллондоо холбоогүй байсан шүү дээ.

-Тэгээд яагаад гал гарсан юм бол оо?

-Бид ч өөрсдөө мэдэхгүй байна. Мэргэжлийн хүмүүс нь ингэж дүгнэсэн болохоор тэр компанийнхныг буруутгаж болохгүй байх.

-Тус компаниас та бүхэнтэй холбоо барьсан уу?

-Үгүй ээ. Одоогоор хүний урманд “Бие нь яаж байна” гэж асуугаагүй. Уг нь хүүхдүүдийг маань асуух болов уу гэж горьдож л байлаа.

-Гэсэн ч Монголын ард түмэн та бүхэнд тусалсан. Эмчилгээний зардлаа бүрэн цуглуулж чадсан уу?

-Тийм ээ. Ард түмэн минь л хоёр хүүхдийн минь амийг аварлаа. Бас Солонгосын эмнэлэг хөнгөлөлт үзүүлсэн. Эмчилгээний зардалд хэрэгтэй бүх мөнгө цугларсан.

Илүү гарсан хэдээр нь зургаан сар хэрэглэх эм, тосоо авсан. Түлэгдсэн хүний өмсдөг даралттай хувцаснаас хоёр ээлжийнхийг авлаа.

Хөл гарных нь амархан урагддаг гэсэн учраас дөрвөн удаа сольж хэрэглэхийг авсан.

-Одоо Монголдоо ямар эмчилгээ хийлгэх вэ?

Г.Цэрэнтогтох: -Физик болон нөхөн сэргээх эмчилгээ хийлгэж байна. Солонгос эмч “Хагалгаа хийлгэснээр аминд чинь аюулгүй болсон. Зургаан сараас нэг жилийн хугацаанд эм, тосоо тасралтгүй хэрэглэж, эмчилгээгээ сайн хийлгээрэй” гэсэн.

-Дүүгээ тэвэрч чадахгүй байгаадаа харамсаад байсан. Хүнд зүйл өргөж болохгүй гэсэн үү?

-Хамаагүй ядарч, хүнд зүйл өргөж болохгүй. Гэхдээ удахгүй дүүгээ хоёр гар дээрээ өргөөд явах болно оо.

-80 хувийн түлэгдэлттэй хүн амьд гарах нь ховор гэж сонссон. Чи өөрийгөө азтай гэж бодож байна уу?

-Тийм ээ. Тийм аймшигтай явдал тохиолдсон ч би азтай хүн.

-Нүүрний сорви нь бүрэн арилна гэсэн үү?

-Одоохондоо гоо сайхны талаар ярих эрт байна гэсэн. Зургаан сараас жилийн дараа сорви арилах, эсэх нь мэдэгдэж эхэлнэ гэнэ лээ. Хэрэв гоо сайхны хагалгаанд орохоор бол эмнэлгээс урилга явуулж болно, зургаа явуулж байгаарай гэсэн шүү.

-Чи өөрийнхөө царайг өөрчлөхийг хүсэж байна уу?

-Үгүй ээ. Одоо байгаа төрх минь надад хангалттай.

-Түлэгдэхээс өмнөх зургийг чинь харсан хүмүүс “Царайлаг залуу юм аа” гэсэн сэтгэгдэл их бичсэн байсан. Ийм болсондоо харамссан уу?

-Эдгэрээд гараад ирсэн болохоор харамсах зүйл алга аа.

-Эмнэлгээс гараад хамгийн түрүүнд хэнтэй уулзахыг хүссэн бэ?

-Солонгос явахаасаа өмнө дүүгийнхээ болон өөрийнхөө түлэгдсэн байдлыг хараад аймар эмзэглэж, айдас төрсөн. Харин одоо дүүгээ харахад үнэхээр сайхан байна.

Монголдоо ирээд дүүтэйгээ л уулзахыг хамгийн их хүссэн дээ. Бас надад тусалсан найзууд, Монголынхоо бүх хүмүүстэй уулзмаар байсан.

-Ирэх намар төгсөх ангид орно. Мэргэжлээ сонгосон уу?

-Сэтгэлзүйч болно гэж бодож байгаа.

Г.Цэрэнтогтох хүү тэр бүр хүний мэдэрдэггүйг мэдэрч, даваагүйг давсан болохоор маш сайн сэтгэлзүйч болох нь дамжиггүй. Боолт хийлгэх, солиулна гэхээс чичиртлээ айдаг байснаа ярихдаа ч хоолой нь сааралтаж байсан.

Одоо бүх айдас ард хоцорсоон. Орох оронгүй болсон тэд одоо ах дүү, найз нөхдийндөө хоног төөрүүлж байгаа юм байна. Хоёр хүүхэд нь үхэл амьдралын зааг дээр байсан учраас улсаас нөхөн олговор хөөцөлдөж амжилгүй өдий хүрчээ.

Г.Цэрэнтогтохыг өдий зэрэгт хүрч, эрүүл саруул болоход нь найман сартай дүүгийнх нь оруулсан хувь нэмэр чамлахааргүй.

Учир нь ах нь ээжтэй нь хамт хил даван эмчилгээнд явахад нь Амарболд хүү найман сартай хэдий ч хөхнөөсөө гарч, аавтайгаа сайн сууж байжээ.

Ч.БОЛОРТУЯА

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
178.197.238.96 Mongolchuud aa, odoo ene huug taivan bailga. Bitgii aimshigt dursamjiig ni sergeej asuugaad bai. Tanidag tanidaggui humuus bugd l 16tai erdii huu handaasai, tegj baij m bid ene saikhan huugee buren edgeej avna, ene chini hyalh l amitan shuu dee. Gudamjind taarahdaa inermsegleed l ongor oo. Ene survaljlagch nar ch huug, ger buliig ni taivan bailga.
178.197.238.96 Mongolchuud aa, odoo ene huug taivan bailga. Bitgii aimshigt dursamjiig ni sergeej asuugaad bai. Tanidag tanidaggui humuus bugd l 16tai erdii huu handaasai, tegj baij m bid ene saikhan huugee buren edgeej avna, ene chini hyalh l amitan shuu dee. Gudamjind taarahdaa inermsegleed l ongor oo. Ene survaljlagch nar ch huug, ger buliig ni taivan bailga.
178.197.238.96 Mongolchuud aa, odoo ene huug taivan bailga. Bitgii aimshigt dursamjiig ni sergeej asuugaad bai. Tanidag tanidaggui humuus bugd l 16tai erdii huu handaasai, tegj baij m bid ene saikhan huugee buren edgeej avna, ene chini hyalh l amitan shuu dee. Gudamjind taarahdaa inermsegleed l ongor oo. Ene survaljlagch nar ch huug, ger buliig ni taivan bailga.
103.229.122.179 Odoo tegwel orgoson muuhai dursamjiig sohoj bitii asugarai mglchud
98.247.53.226 ”Hair aidsaas ch iluu huchtei yum bn lee” gej yamar goy helsen bn. Duudee eruul enkh, az jargaliig huseye! Uhaantai hartstai, buyantai saihan huu yumaa.
112.72.11.103 Үнэхээр сайхан мэдээ.Бие.сэтгэл ийн асар их тэвчээртэй хүүг биширч байна.Баяр хүргэе!Урд нь гарсан дэлбэрлтийн ихэнх нь дашваажилийн газ байсан санагдана. Манайх урд нь дашваанжлаар үйлчлүүлж байсан.нэг удаа хийн баллоны жийргэвчийг сэтэрхий жийргэвчээр солиод хий алддаг болгосон байсан.ингэж хийг нь хурдан дуусгаж ашиг олдог байх гэж бодоод.дахин үйлчлүүлэхээ больсон.дашваан
98.228.235.219 Tur zasag gej bna uu??? Ene huud tuslaach,oron gertei bolgoj,emchilgeend ni anhaaraach dee!!!
202.72.245.46 eleg buten amidralaa avch uldej chadsan mundag huudee amjilt bas bayrlalaa
73.173.235.155 Mongold ochihdoo tanai ger buliig ergene ee. Setgelzuich boloh tuhai bodoj baigaa n gaihaltai sain hereg. Odoo bid buhen hunii setgel uud ungiij, iug oilgohgui yavaagaa bodoh tsag bolson. Duudee chadah buhneree tuslah iumsan. Minii tursun duugees yalgaagui, harts n ih uhaarsan, mash saihan hairaar gereltsen huu bn. Iim baatarlag duugee shuten, hundelj yavna aa.
112.72.13.207 Biyiin soriv yahav ee. Duugee avraagui bol setgeliin sorivt uldene. Zarim humuus setgeliin soriv songoh ni bii. Uneheer mundag huu shuu. Duutgee eej aavtgaa az jargalt amidraaarai
43.242.243.81 muuundag hvv
43.242.243.81 mundagaar barahuuu vneheer baatar shvv chamd amjilt hvsii
43.242.243.105 Vneheer mundag huu eruul enhiig hvsie
202.179.20.129 mundag jinhen er zorigiin baharhaad ulsaas yadahdaa oron suuz bish yumaa gehed gertei bolgochihvol
202.179.20.129 dashvaanjil gedeg gaaznii gazaraas uug n hamgiin turuund ergeh estoil yum ter baiguullaga l oroh oron bairiig n ogoh estoi
182.160.34.10 jinhene er hun jinhene baharhal
202.55.185.41 Дашваанжил гэдэг газны компани нь холбогдоогүй гэсэн сонин санагдаж байна өмнө ч энэ компаний газ дэлбэрч байсан. Түлэнхий үнэхээр тарчилаадаг хэзээ ч тайван унтаж чадахгүй хөдөлж ч чадахгүй болгодог. Дүүгээ галд үлдээсэн бол одоо ийм царайтай байхаас илүү харамсал насан туршид нь төрөх байсан байхаа гайхалтай
203.194.114.133 Huurhii doo. Yamar hetsuu bsan boloo (uupiin erhgui uilchihlaa) hurdan edgeed mundag setgelzuich boloopoi. Duu n sopiwgui edgerch chadsan bolow uu? Yadaj nuur garandaa sopiwgui l uldeesei...
203.194.114.133 Таны хариулт ...uneheer baatarlag .minii duu hetsuu zuiliin ard garj chadsan,odoo alzahgui ee amidral chini gegeeleg tanai ger buld hamgiin sain saihan az jargal husie.
  • 2015 оны 08 сарын 20
203.194.114.133 yo unshsan zuildee uilchihlaa. amjilt husii. chi bol eej aav duugiinhee gerelt ireeduin shuu. zorigtoo oortoo itgeltei baigaarai
  • 2015 оны 08 сарын 20
203.194.114.133 Таны хариулт azjargal ervvl enhiig hvsie
  • 2015 оны 08 сарын 19
203.194.114.133 Таны хариулт ...mngolin baharhal vnenheer baharhaj bna hairtai shv dvvde
  • 2015 оны 08 сарын 19
203.194.114.133 hyalh huuhed gaigui bhoo tuljuud sorivgui edgeh bh
  • 2015 оны 08 сарын 19
103.10.22.30 dvvvdee bolon tanai ger bvld az jargal sain saihniig hvsie .Tosoo sain tvrheed pizik emchilgeegee sain hiilgeerei.Amjilt hvsie
203.194.114.218 eee daavaas ingej muu huugees mini yalgaa uy bhav, tsever ariun setgeltei huuhed um bolhoor burhan haramgui tusalsan bhaa bas mongolchuudiin mini zalbirlaar hurdan edgerlee olon tumnii mini ene saihan setgel dandaa uduu bh boltugai hurai hurai hurai
172.101.68.16 mongolchuud shig denduu hariutslagagui humuust GERTEE GAS/HII heregleh ni baij bolomgui zuil.
172.101.68.16 mongolchuud shig denduu hariutslagagui humuust GERTEE GAS/HII heregleh ni baij bolomgui zuil.
172.101.68.16 Chi muu novsh untaj bsn 2 xuuxdiig xariutslagagui gex gd bgaa yumuu? DASHVAANJILIIN gaznii kompaniig xaaval yaadiin. Dandaa l ednii gaz delberch baix yum. Mergeljluun xyanaltiin ajilguichuud ajlaa xiivel taarna.
  • 2015 оны 08 сарын 23

Ч.Болортуяа

Овог нэр: Чулуунбаатарын Болортуяа Төгссөн сургууль: МУБИС 2009 онд сэтгүүлч мэргэжлээр төгссөн Шагнал: 2012 онд "Болор үзэг" шилдэг бичлэгийн шагнал 2014 оны 9-р сараас "Өнөөдөр" сонины Эрэн сурвалжлах мэдээлэл