Бээжинд суугаа Консулыг эргүүлэн татах боллоо

2015 оны 03 сарын 27

ГХЯ-наас Дипломат төлөөлөгчдийн газартаа тодорхой хугацаанд ээлжит бус дотоодын аудитын хяналт шалгалт хийдэг. Үүний дагуу тус яамны Төрийн нарийн бичгийн даргын 2014 оны А/47 тоот тушаалаар томилогдсон Дотоод аудитын ажлын хэсэг өнгөрсөн оны арванхоёрдугаар сарын 4-7-ны хооронд Бээжинд ажиллан, Монгол Улсаас БНХАУ-д суугаа ЭСЯ-ны Консулын хэлтэст шалгалт хийжээ.

Шалгалтаар санхүүгийн болон бусад янз бүрийн зөрчил илэрснийг ажлын хэсгийнхэн яамныхаа удирдлагад гаргасан тайландаа дурдсан байна. Энэ талаар ГХЯ-ны хэвлэлийн төлөөлөгч Ж.Батхишигээс лавлахад “Зөрчил гаргасан нь холбогдох хууль тогтоомжийг зөрчсөн, ажилдаа хариуцлагагүй хандсан үйлдэл болсон гэж үзэн ЭСЯ-ны Консул болон зарим ажилтныг томилолтын хугацаанаас нь өмнө эргүүлэн дуудсан” гэв.

Албан бус эх сурвалжид Бээжинд суугаа Консул О.Энхтөрийг визний наймааны асуудалд холбогдсон гэж буй ч ГХЯ-ныхан уг мэдээллийг няцаасан юм.

Ч.ТУЯА

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Ч.Болортуяа

Овог нэр: Чулуунбаатарын Болортуяа Төгссөн сургууль: МУБИС 2009 онд сэтгүүлч мэргэжлээр төгссөн Шагнал: 2012 онд "Болор үзэг" шилдэг бичлэгийн шагнал 2014 оны 9-р сараас "Өнөөдөр" сонины Эрэн сурвалжлах мэдээлэл