Талийгаачийн ар гэрийнхэн Эрээнд очжээ

2015 оны 03 сарын 20

БНХАУ-ын Эрээн хотод энэ сарын 17-18-нд шилжих шөнө 02.00-03.00 цагийн орчимд монгол эмэгтэй амиа алдсан хэрэг гарчээ. Эрээн дэх Монголын Консулын газраас өчигдөр 16.00 цагт шуурхай мэдээ ирүүлсэн байна.

Энэ талаар ГХЯны хэвлэлийн төлөөлөгч Ж.Батхишигээс тодруулахад, “Монгол Улсын иргэн 40 гаруй насны эмэгтэй хүн Эрээн хотын Дүнчин дүүргийн нутаг “Ан Тай” зочид буудлаас урагш байрлах шавар тагзанд нас барсан байна. Бусдын гарт амиа алдсан нь тодорхой болсон. Тэнд байнга амьдардаг байсан байх магадлалтай.

Хэрэг бүртгэл мөрдөн байцаалтын шатанд явж байна гэсэн мэдээ ирүүлсэн” гэв. Талийгаачийн бичиг баримтыг олсон бөгөөд ар гэрийнхэн нь Эрээн хотод очжээ.

Тэд цагдаагийн байгууллагад мэдүүлэг өгч байгаа аж. Талийгаач эмэгтэйн овог нэр тодорхой болсон ч одоогоор нууцалж байна.

Ч.БОЛОРТУЯА

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Ч.Болортуяа

Овог нэр: Чулуунбаатарын Болортуяа Төгссөн сургууль: МУБИС 2009 онд сэтгүүлч мэргэжлээр төгссөн Шагнал: 2012 онд "Болор үзэг" шилдэг бичлэгийн шагнал 2014 оны 9-р сараас "Өнөөдөр" сонины Эрэн сурвалжлах мэдээлэл