50 ортой төрөх эмнэлэг үүдээ нээв

2016 оны 01 сарын 26

Дорнод аймаг төрөх эмнэлэгтэй боллоо. Тус аймгийн Бүсийн оношилгоо, эмчилгээний төвийн дэргэд 35 ортойгоор үйл ажиллагаа явуулж байсан Төрөх, эмэгтэйчүүдийн тасаг өчигдөр томорч, 50 ортой, тусдаа шинэ байртай эмнэлэг болсон юм.

Хүлээн авах, хэвтүүлэн эмчлэх, төрөх, хагалгааны тасагтай, хурлын заал, чийрэгжүүлэлтийн иж бүрэн тоног төхөөрөмж бүхий тусгай өрөөтэй энэхүү эмнэлгийн барилгыг 2013 онд Бүсийн оношилгоо, эмчилгээний төвийн барилгатай залган барьж эхэлжээ.

Хоёр тэрбум 774 сая төгрөгөөр босгосон энэ эмнэлэгт тоног төхөөрөмж авахад зориулж, ЭМС-ын сайдын багцаас 200 сая төгрөг гаргах бол цахимжуулах төсөлд хамруулан, 143 сая төгрөгийн компьютер, тоног төхөөрөмж олгохоор болсон байна.

Х.ЭРХЭМ

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
37.220.133.161 Saihan medee baina. Aimag bur shine turuh emnelegtei bolbol bur saihan.

Х.Болормаа

Овог нэр: Х.Болормаа Төгссөн сургууль: ХУИС 2003 онд сэтгүүлч Шагнал: "Ган үзэг", Балдорж шагналын дэд байр 2004 оноос "Өнөөдөр" сонинд сурвалжлагч, тоймч, албаны дарга, хариуцлагатай нарийн бичгийн дарга