Зочид буудал бариулаад төлбөрт нь өвс хадуулж байна

2015 оны 10 сарын 27

Сүхбаатар аймгийн Эрдэнэцагаан суманд 80 ортой, гурван давхар зочид буудал барьж байна. Ресторан, бэлэг дурсгалын дэлгүүр, хурлын танхимтай энэхүү буудлыг ашиглалтад оруулахад бараг бэлэн болжээ.

Үүнийг барихад 1.5 тэрбум төгрөг зарцуулж буй агаад мөнгийг нь Сүхбаатар аймаг төлөх ёстой ч хятадууд өөрсдийн мөнгөөр барьж өгч байгаа гэнэ. Нэг ёсондоо Өмөрмонголын Шилийн гол аймагтай бараа бүтээгдэхүүн солилцох зам (бартер)-аар бариулж буй энэ буудлынхаа төлбөр болгож, Эрдэнэцагаан сумын нутгаас гурван жил өвс хадах эрх олгожээ.

Шилийн голын хадланчид жилд 10 га газрын өвсийг хадан, авч явах юм байна. Хил орчмын аялал жуулчлал хөгжүүлэхийн тулд зочид буудал бариулж буй гэнэ.

Үүнээс гадна өнгөрөгч зун зуншлага тааруу байсан нийслэл, Төв, Дархан-Уул аймгийн удирдлагууд тус аймгийн удирдлагуудтай гэрээ байгуулан, долоон сумын 23200 га талбайгаас хадлан бэлтгэж байгаа аж. Дорнодын нэг га талбайгаас дунджаар долоон центнер орчим хадлан гарч байгаа гэнэ.

Х.ЭРХЭМ

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
37.220.133.161 Bolj baina ahuu dee. 2 taldaa ashigtai baidalaar ingej aimag sumaa hugjuuleed abah saihan sanaachilga baina.

Х.Болормаа

Овог нэр: Х.Болормаа Төгссөн сургууль: ХУИС 2003 онд сэтгүүлч Шагнал: "Ган үзэг", Балдорж шагналын дэд байр 2004 оноос "Өнөөдөр" сонинд сурвалжлагч, тоймч, албаны дарга, хариуцлагатай нарийн бичгийн дарга