“Хавх булаагүй ууланд хамаг амьтан жаргалтай”

2015 оны 10 сарын 22

Ховд аймгийн Манхан сумын ерөнхий боловсролын сургуулийн “Бөхөн”, “Гүем” клубийн 60 гаруй сурагчид “Хавх булаагүй ууланд хамаг амьтан жаргалтай” аян өрнүүлж, хоёр сарын хугацаанд 151 хавх цуглуулсан тухайгаа БОНХАЖ-ын сайд Н.Батцэрэгт захидлаар мэдээлжээ. БОНХАЖ-ын сайд энэ аяныг дэмжиж, энэ сарын 23-нд буюу маргааш тохиох Ирвэс хамгаалах олон улсын өдрөөр орон даяар “Нэг гишүүн нэг хавх” аян өрнүүлэхэд нь сурагчдад тусалж, хамтран ажиллахаар болсон байна. Байгаль орчинд ээлтэй эдгээр хүүхдийг БОНХАЖ-ын сайдын нэрэмжит өргөмжлөл, БОНХАЖЯ-ны логотой малгай, цамц, 23 төрлийн ном, видео хичээлээс бүрдсэн гарын бэлгээр шагнаснаа Хар ус нуурын тусгай хамгаалалттай газрын хамгаалалтын захиргааны дарга Д.Чинбатаар дамжуулж илгээсэн аж.

 

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

Х.Болормаа

Овог нэр: Х.Болормаа Төгссөн сургууль: ХУИС 2003 онд сэтгүүлч Шагнал: "Ган үзэг", Балдорж шагналын дэд байр 2004 оноос "Өнөөдөр" сонинд сурвалжлагч, тоймч, албаны дарга, хариуцлагатай нарийн бичгийн дарга