IV цэцэрлэг хоёр давхар шинэ байртай болов

2014 оны 12 сарын 21

Ховд аймгийн Жаргалант сумын IV цэцэрлэг хоёр давхар шинэ байртай болов. Уг барилгыг улсын төсвийн 670 сая төгрөгөөр “Буянтын боргио" компани барьжээ. Тус компанийн захирал Д.Энхбаяр IV цэцэрлэгийн шинэ байрыг угаалгын машинаар мялаажээ.   

1957 онд ашиглалтад орсон хуучин байранд нь анх аймгийн Холбооны газар байрлаж байсан аж. Цэцэрлэгийн зориулалтгүй уг байрыг 1970 онд IV цэцэрлэгт өгчээ. Нийт 170 хүүхэдтэй уг цэцэрлэгийн шинэ барилгад 100 хүүхэд оруулж, үлдсэн 70 хүүхдийг хуучин байранд нь хичээллүүлэхээр болсон байна. Харин ирэх жилээс бүгдийг нь шинэ байранд оруулах юм.  

Х.Болормаа

Овог нэр: Х.Болормаа Төгссөн сургууль: ХУИС 2003 онд сэтгүүлч Шагнал: "Ган үзэг", Балдорж шагналын дэд байр 2004 оноос "Өнөөдөр" сонинд сурвалжлагч, тоймч, албаны дарга, хариуцлагатай нарийн бичгийн дарга