Хужир хамж байтал машин нь живжээ

2014 оны 12 сарын 01

Монгол орны гол, нуурууд бүрэн хөлдөөгүй байгааг онцгой байдлынхан болон цаг уурчид анхааруулсаар байтал усанд машинтайгаа осолдсон тохиолдол гарсаар байна. Хэнтий аймгийн Казах нуурт энэ сарын эхээр гэр бүлийн хоёр “Портер”-тойгоо осолдон, амиа алдсан бол өнгөрсөн баасан гаригт Булган аймгийн Хутаг-Өндөр сумын Айрхан нуурт машин живжээ. Тус сумын хэсэг малчин уг нуураас хужир хамж байсан аж. Энэ үед нуурын мөс цөмөрсөн юм байна. Онцгой байдлын аврах салбарын албан хаагчид энэ тухай дуудлагаар очин, уг машиныг татан гаргажээ.

Х.Болормаа

Овог нэр: Х.Болормаа Төгссөн сургууль: ХУИС 2003 онд сэтгүүлч Шагнал: "Ган үзэг", Балдорж шагналын дэд байр 2004 оноос "Өнөөдөр" сонинд сурвалжлагч, тоймч, албаны дарга, хариуцлагатай нарийн бичгийн дарга