Хэнтийнхэн усан спортын төвтэй боллоо

2014 оны 11 сарын 27

Хэнтий аймаг анх 2007 онд усан спортын төвтэй болсон ч тоног төхөөрөмж нь эвдэрсний улмаас үйл ажиллагаа явуулалгүй хэдэн жил сул зогссон аж. Үүнийгээ Орон нутаг хөгжүүлэх сангийн 120 сая төгрөгөөр шинэчлэн засаж, энэ сарын 23-нд ашиглалтад оруулсан байна. Өвөрмонголын Хөлөнбуйр аймаг уг төвд усан сан болон сауны тоног төхөөрөмж бэлэглэн, мэргэжилтнүүдээ илгээн суурилуулж өгчээ.

“Дээлээ сольсон” усан спортын төвийнхөө нээлтэд зориулан, 25-50 метрийн задгай сэлэлт, эрэгтэй эмэгтэй холимог буухиа төрлөөр тэмцээн зохион байгуулахад долоон байгууллагын 15 тамирчин оролцжээ. Тэднээс “Цахилгаан түгээх сүлжээ” компанийн баг түрүүлсэн байна. Тус аймагт үйл ажиллагаа явуулдаг байгууллагуудын нэрэмжит тэмцээнийг цаашид сар бүр зохион байгуулахаар болжээ.

Х.Болормаа

Овог нэр: Х.Болормаа Төгссөн сургууль: ХУИС 2003 онд сэтгүүлч Шагнал: "Ган үзэг", Балдорж шагналын дэд байр 2004 оноос "Өнөөдөр" сонинд сурвалжлагч, тоймч, албаны дарга, хариуцлагатай нарийн бичгийн дарга