Дэлхийн мастерууд хөнгөн өвчнийг энергиэр эмчлэх аргачлал заана

2015 оны 08 сарын 18

Архатик иога болон энерги эмчилгээний орчин үеийн аргыг үндэслэгч их мастер Чоа Кок Сүйгийн праник эмчилгээний анхан шатны хичээлийг Монголд анх удаа заах гэж байна. Уг эмчилгээ нь дэлхийн 90 гаруй оронд түгэн дэлгэрч, улмаар анагаах ухаантай хослуулан хэрэглэснээр илүү үр дүнд хүрэх болжээ. Энэхүү анхан шатны сургалтыг дэлхийн есөн мастерын хоёр нь энд ирж, явуулах юм байна. Үүгээр иргэд 120 төрлийн хөнгөн хэлбэрийн өвчнийг эмчлэх аргачлалыг мэдэж авах боломжтой аж. Манайд ирэх гэж буй мастер Глэйн Мендоза, Мэрилэг Мендоза (гэр бүлийн хүмүүс)-г их мастер Чоа Кок Сүйгийн номыг орчуулсан монгол хүмүүс урьжээ. Тэд энергиэр эмчилдэг дээрх хоёр мастерийн гурван монгол шавийнх нь хоёр нь бөгөөд гэр бүлээрээ АНУ-д 1993 оноос хойш амьдарч байгаа аж.

Праник эмчилгээ нь хүний биеийн биоплазм онцлогийг ашиглах чадвар төдийгүй түүнийг цигун, оюун санааны, амьдралын энергийн, гараа тавих, соронзон эмчилгээ, итгэл үнэмшлээр эмчлэх гэх мэт олон янзаар нэрлэдэг гэнэ. Ирэх сарын 5, 6-ны амралтын өдрүүдэд болох дээрх сургалтаар хүний биеийн энергийн ерөнхий ойлголт, энерги хэрхэн мэдрэх, аура, хүрднүүдийн үүрэг, тэдгээрийг өвчнөөс ангижруулах ба энергижүүлэх, хөнгөн өвчин хэрхэн эмчлэхийг заахаас гадна зайнаас эмчлэх арга барил, хос зүрхний бясалгал, гэгээрэхүй болон амьсгалын дасгалуудын техникүүдээс иргэд сурах боломжтой аж.  

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

О.Бат-Ундрах

Овог нэр: Оюунбилэгийн Бат-Ундрах Төгссөн сургууль: МУИС-МХСС-утга зохиолын ажилтан, сэтгүүлч Шагнал: "Балдорж" сангийн 1.000.000 шагнал нэг удаа, Хэвлэлийн хүрээлэн, Байгаль орчны шилдэг бүтээлийн уралдаанд "Худагтай хорооллууд олширлоо, яах вэ" нийтлэлээрээ тэргүүлсэн (2014) 2012 оны дөрөвдүгээр сараас "Өнөөдөр" сонины ЭЗБМА, НШМА