“Өргөө” амаржих газар Эмгэг нярайн тасгаа ирэх сарын 1-нд нээнэ

2015 оны 07 сарын 27

Нийслэлийн I амаржих газрыг “Өргөө”, II төрөхийг “Хүрээ”, III амаржихыг “Амгалан” гэх болсон. Тэгвэл нийслэлийн Эрүүл мэндийн газрын дарга А/70 дугаар тушаал гаргаж, эдгээр амаржих газарт Эмгэг нярайн тасаг байгуулахаар болжээ. Өдгөө “Өргөө” амаржих газар бүтэц зохион байгуулалтаа өөрчлөн, хүний нөөцөө зэхэж, багаж, тоног төхөөрөмжөө суурилуулсан тул ирэх сарын 1 гэхэд Эмгэг нярайн тасгийнхаа үйл ажиллагааг эхлүүлэх гэнэ. Харин “Хүрээ”, “Амгалан” амаржих газрынхан бэлтгэл ажлаа үе шаттайгаар хийж байгаа аж. Төрөх эмнэлгүүд ийм тасагтай болсноор амьсгалын замын дээд, доод хямралтай, цус харвасан, гэдэс нь үхжиж, үрэвссэн 34 долоо хоногоос дээш тээлттэй дутуу, болон гүйцэд нярайг энд сувилах юм байна. 

О.Бат-Ундрах

Овог нэр: Оюунбилэгийн Бат-Ундрах Төгссөн сургууль: МУИС-МХСС-утга зохиолын ажилтан, сэтгүүлч Шагнал: "Балдорж" сангийн 1.000.000 шагнал нэг удаа, Хэвлэлийн хүрээлэн, Байгаль орчны шилдэг бүтээлийн уралдаанд "Худагтай хорооллууд олширлоо, яах вэ" нийтлэлээрээ тэргүүлсэн (2014) 2012 оны дөрөвдүгээр сараас "Өнөөдөр" сонины ЭЗБМА, НШМА